تحریک انصاف کے رہنما پیپلز پارٹی میں شامل

پاکستان تحریک انصاف (پی ٹی آئی) کے رہنما علمدار عباس قریشی نے پاکستان پیپلز پارٹی (پی پی پی ) میں شمولیت اختیار کرلی۔

 مظفر گڑھ سے سابقہ ركن صوبائی اسمبلی علمدارعباس قریشی پیپلز پارٹی میں شامل ہوگئے۔ چیئرمین پیپلز پارٹی بلاول بھٹو سے ملاقات کے بعد پی ٹی آئی رہنما نے پیپلز پارٹی میں باقاعدہ شمولیت اختیار کی۔

چیئرمین پیپلز پارٹی اور وزیر خارجہ بلاول بھٹو زرداری نے اس موقع پر علمدار عباس قریشی کو پارٹی میں شامل ہونے پر مبارکباد دی۔

خیال رہے کہ میاں علمدار عباس قریشی 2013 سے رکن اسمبلی منتخب ہو رہے ہیں۔