ایران میں مہنگائی کنٹرول نہ کرنے پر وزیر عہدے سے فارغ

ایران میں بڑھتی ہوئی مہنگائی کے باعث وزیر صنعت و تجارت کو عہدے سے برطرف کر دیا گیا۔

غیر ملکی میڈیا کے مطابق ایرانی پارلیمان نے بڑھتی مہنگائی پر کنٹرول میں ناکامی پر وزیر صنعت و تجارت کو عہدے سے فارغ کر دیا۔ پارلیمنٹ میں 272 کے ایوان میں سے 162 اراکین نے وزیر صنعت و تجارت رضا فاطمی امین کو عہدے سے ہٹانے کیلئے ووٹ دیا۔

اراکین نے کہا کہ وزیر صنعت و تجارت رضا فاطمی امین آسمان کو چھوتی گاڑیوں کی قیمتوں اور صنعتی پیداوار کی لاگت میں اضافے کو روکنے میں ناکام ہو چکے ہیں۔