آخر کیا ہے"آئی ایم سلمان" جلد پتا چل جائے گا

بالی ووڈ کے میگا اسٹار سلمان خان نے مارول اسٹوڈیوز کی نئی فلم کے بارے میں مداحوں کو تجسس میں ڈالا دیا۔

اپنے ٹویٹ میں سلمان خان گارڈین آف گلیکسی فلم سیریز کے مقبول کردار ’’گروٹ‘‘ کا مشہور زمانہ ڈائیلاگ ’’آئی ایم گروٹ‘‘ کی طرز پر ’’آئی ایم سلمان‘‘ کہتے نظر آرہے ہیں۔ویڈیو کے اختتام پر سلمان خان اپنی جیکٹ اتارتے ہیں تو ان کی شرٹ پر ’گروٹ‘ کی تصویر بھی نظر آتی ہے۔

I live in Galaxy … Uparwale are my Guardians…

Swagat karo mere new friend ka on May 5th ?️ only in cinemas #GotGVol3 @Marvel_India pic.twitter.com/4JZDX6nE1B

— Salman Khan (@BeingSalmanKhan) May 2, 2023

ویڈیو کے وائرل ہونے کے بعد یہ افواہیں گردش کررہی ہیں کہ سلمان خان مارول اسٹوڈیوز کی نئی آنے والی فلم ’’گارڈین آف گلیکسی 3‘‘ کا حصہ ہیں جس کی تشہیر کےلیے یہ ویڈیو بنائی گئی ہے۔

اب تک سلمان خان یا کسی بھی آفیشل پلیٹ فارم سے اس بات کا اعلان نہیں کیا گیا کہ آیا واقعی سلمان خان اس فلم کا حصہ ہوں گے یا نہیں لیکن غالب امکان یہی ہے کہ سلمان خان کی اس ویڈیو کے پیچھے ’’گارڈین آف گلیکسی 3‘‘ کی تشہیر کارفرما ہے۔

گارڈین آف گلیکسی فلم سیریز کا والیوم 3، پانچ مئی کو ریلیز کیا جارہا ہے۔