محکمہ صحت کا بڑا اقدام ،پنجاب پولیس کےتمام ملازمین کی میڈیکل اسکریننگ کا فیصلہ

تفصیلات کے مطابق محکمہ صحت نے پنجاب پولیس کےتمام ملازمین کی میڈیکل اسکریننگ کرانے کا فیصلہ کیا ہے ، جس کے تحتپولیس ملازمین کی ہیپاٹائٹس، ایچ آئی وی، ٹی بی سمیت مکمل میڈیکل سکریننگ کی جائے گی۔

محکمہ صحت پنجاب نے آئی جی پنجاب پولیس کو مراسلے میں لکھا ہے کہ پنجاب پولیس کے ملازمین کی میڈیکل سکریننگ نجی لیبز سے بہت مہنگی پڑتی ہے،جس پر 20 ہزار خرچہ آتا ہے۔

مراسلے کے مطابق محکمہ صحت کے پاس اسکریننگ کے لئے کٹس، ویکسینیشن، ادویات کا وافر سٹاک ہے، محکمہ صحت پنجاب سے میڈیکل اسکریننگ کروانے پر ملازمین کی بچت ہوگی۔