بابر اعظم نے ون ڈے انٹرنیشنل میں تیز ترین 5ہزار رنز بنانے کا ریکارڈ بنادیا

کراچی: پاکستان کے کپتان بابراعظم نے ون ڈے انٹرنیشنل میں تیز ترین 5 ہزار رنز بنانے کا ورلڈ ریکارڈ اپنے نام کر لیا ۔

جمعہ کو نیشنل سٹیڈیم کراچی میں نیوزی لینڈ کے خلاف کھیلے جارہے پانچ ایک روزہ بین الاقوامی میچوں کے چوتھے ون ڈے میں بابراعظم نے اپنے 5 ہزار رنز مکمل کئے۔ بابر اعظم 100سے کم اننگز میں 5 ہزار رنز کرنے والے پہلے کرکٹر ہیں،

انہوں نے 97 اننگز میں یہ سنگ میل عبور کیا۔اس سے قبل جنوبی افریقہ کے ہاشم آملہ نے 101اننگز میں 5 ہزار رنز بنائے تھے، ویوین چرڈز اور ویرات کوہلی نے 114 ، 114 اننگز کھیل کر پانچ ہزار رنز کئے تھے۔بابر اعظم ایک روزہ بین الاقوامی میچوں میں 5 ہزار رنزبنانے والے 14 ویں پاکستانی ہیں۔