وزیر اعظم سے آرمی چیف کی ملاقات، سیکیورٹی امور پر تبادلہ خیال

تفصیلات کے مطابق  وفاقی دارالحکومت میں وزیر اعظم عمران خان  سے آرمی چیف جنرل قمر جاوید باجوہ کی ملاقات ہوئی۔اس ملاقات میں سیکیورٹی سے متعلق امور پر تبادلہ خیال کیا گیا  اور  پاک فوج کے پیشہ ورانہ امور پربھی گفتگو کی گئی۔

خیال رہے کہ گزشتہ ماہ25 جنوری  کو بھی   وزیر اعظم عمران خان سے آرمی چیف جنرل قمر جاوید باجوہ نے ملاقات کی تھی جس میں  قومی سلامتی سے متعلق امور پر تبادلہ خیالات کیا گیا۔اس اہم ملاقات میں پاکستان کے خفیہ ادارے انٹر سروسز انٹیلی جنس (آئی ایس آئی) کے ڈائریکٹر جنرل، لیفٹیننٹ جنرل فیض حمید بھی شریک تھے۔

واضح رہے کہ  11 جنوری کو  وزیراعظم عمران خان سے آرمی چیف جنرل قمر جاوید باجوہ نے ملاقات کی تھی،جس  میں ڈی جی آئی ایس آئی لیفٹیننٹ جنرل فیض حمید بھی شریک ہوئے تھے۔ ملاقات میں قومی سلامتی سے متعلق امور پر تبادلہ خیال کیا گیا تھا۔ ملاقات میں مچھ واقعے کی شدید مذمت کی گئی اور مچھ واقعے کے ذمہ داروں کو انصاف کے کٹہرے میں لانے کے عزم کااعادہ کیا گیا تھا۔

ملاقات میں مقبوضہ کشمیر میں بھارتی فوج کی جانب سے انسانی حقوق کی خلاف ورزیوں پر بھی بات چیت ہوئی اس کے علاوہ لائن آف کنٹرول پر بھارتی فوج کی جانب سے سیز فائر معاہدے کی خلاف ورزی پر بھی گفتگو کی گئی تھی۔