ایران ،اسرائیل کشیدگی کے پیش نظر پی آئی اے نے مشرقِ وسطیٰ کیلئے پروازیں معطل کر دیں

اسلام آباد: ایران پر اسرائیلی و امریکی حملے کے بعد پیدا ہونے والی صورتحال کے پیش نظر قومی ائیر لائن (پی آئی اے) نے مشرق وسطیٰ کیلئے اپنی پروازیں معطل کر دیں۔

تفصیلات کے مطابق پی آئی اے کی متحدہ عرب امارات، بحرین، دوحہ اور کویت کی پروازیں معطل کر دی گئی ہیں۔

جاری کردہ اعلامیے کے مطابق پروازیں ابتدائی طور پر کل شام یا فضائی حدود کی بحالی تک آپریٹ نہیں کی جائیں گی۔ تاہم پی آئی اے کی سعودی عرب کے لیے پروازیں جاری رہیں گی، البتہ ان کے روٹس تبدیل کر دیے گئے ہیں۔

پی آئی اے کے مطابق پروازیں بوئنگ 777 طیاروں پر منتقل کر دی گئی ہیں اور طویل راستے سے منزلِ مقصود تک پہنچیں گی۔

اعلامیے میں مسافروں سے درخواست کی گئی ہے کہ اپنی پروازوں سے متعلق بروقت معلومات یا بکنگ میں تبدیلی کے لیے پی آئی اے کال سینٹر 786-786-111-021 سے رابطہ کریں۔