ایران پرامریکی و اسرائیلی حملہ،پاکستانی شہریوں کیلئے ٹریول ایڈوائزری جاری

اسلام آباد:ایران پرامریکی و اسرائیلی حملے کے بعد پاکستانی دفتر خارجہ نے شہریوں کیلئے ٹریول ایڈوائزری جاری کردی۔

تفصیلات کے مطابق پاکستانی دفتر خارجہ کی جانب سے جاری کی گئی ٹریول ایڈوائزری میں حفاظت اور سیکیورٹی کے پیشِ نظر پاکستان شہریوں کو ایران کے سفر سے گریز کا مشورہ دیاگیاہے۔

دفترخارجہ کی جانب سے کہاگیاہے کہ ایران میں موجود پاکستانی محتاط رہیں ، غیر ضروری نقل و حرکت محدود کریں اور پاکستانی سفارتی مشنز سے مسلسل رابطے میں رہیں. 

بیان میں کہا گیا ہے کہ مزید معلومات کے لیے پاکستانی شہری قریبی پاکستانی سفارت خانے سے رابطہ کریں۔