اٹلی نے سعودی عرب کو اسلحہ کی فروخت پر عائد پابندی ختم کر دی ہے

اٹلی نے سعودی عرب کو اسلحہ کی فروخت پر عاید پابندی ختم کر دی ہے۔اطالوی حکومت نے کابینہ کے اجلاس کے بعد ایک بیان میں اس فیصلہ کا اعلان کیا ہے۔اٹلی نے 2019ء اور 2020ء میں سعودی عرب کو فوجی سازوسامان کی برآمدات پر پابندی عائد کردی تھی تاکہ انہیں یمن تنازع میں استعمال ہونے سے روکا جاسکے۔

غیر ملکی خبر رساں ایجنسی کے مطابق حکومت نے اپنے بیان میں سعودی عرب کی حالیہ امن اور ثالثی کی کوششوں کی تعریف کرتے ہوئے کہا کہ تبدیل شدہ زمینی صورت حال کی روشنی میں اس پابندی کی اب ضرورت نہیں رہی ہے۔

اٹلی کی حکومت کا کہنا ہے کہ سعودی عرب کے بارے میں اس کا فیصلہ گذشتہ ماہ متحدہ عرب امارات (یو اے ای) کو اسلحہ کی فروخت پر عائد پابندی کے خاتمے کے عین مطابق ہے۔اٹلی نے یواے ای پربھی یمن جنگ کی وجہ سے اسلحہ فروخت کرنے کی پابندی عائد کی تھی۔