سعودی عرب نے پاکستان سمیت کئی ممالک پر سفری پابندی عائد کردی

تفصیلات کے مطابق  سعودی عرب نے پاکستان، سری لنکا، بھارت، فلپائن اور انڈونیشیا پر سفری پابندیاں عائد کردیں، سعودی حکام کا کہنا ہے کہ سفری پابندیوں والےممالک کے مسافر سعودی عرب   لینڈ نہیں کر سکیں گے  ، فہرست میں شامل ممالک کے مسافروں کو ان کے ملک جانے کی اجازت ہو گی   ۔ سعودی باشندوں کو وطن واپسی کے لیے 72 گھنٹوں کی مہلت دی گئی ہے، جبکہ سعودی اقامہ رکھنےوالوں کو بھی واپسی کے لیے  72 گھنٹوں کی مہلت دی گئی ہے۔ مسافروں کےعلاوہ کارگو اور  پیرا میڈیکل اسٹاف کو سعودیہ میں داخلے کی اجازت ہو گی ۔

 علاوہ ازیں گاگا نے یورپی یونین ممالک اور سوئٹزر لینڈ پر عارضی سفری پابندیاں لگا دیں۔ سعودی عرب نے اپنے شہریوں کو بھی پاکستان آنے سے عارضی طور پر روک دیا۔نوٹیفکیشن کے مطابق سفری پابندیوں والے ممالک سے فلائٹ کو سعودی عرب میں اترنےکی اجازت نہیں ہوگی۔

سعودی عرب  کی جانب سے  پابندیاں کورونا وائرس کے تناظر میں لگائی گئی ہے ،  سعودی عرب میں کوویڈ 19  سے ہلاکتوں کی مجموعی تعداد 6،878 ہوگئی ہے جبکہ 4لاکھ 10ہزار سے زائد کیسزرپورٹ  ہوچکے ہیں ۔

 اس سے قبل گزشتہ روز کورونا وائرس کے پھیلاؤکے روک تھام کے لیے کینیڈا نے پاکستان اوربھارت کے لیے فضائی آپریشن معطل کیا ہے،اس فیصلے کے تحت 30 روز کے لیے  پابندی عائد کی گئی ہے ، پا کستان پر فضائی پابندی کے بعد پی آئی اے کی پروازیں 30 دن تک کینیڈا نہیں جاسکیں گی۔ متحدہ عرب امارات کے حکام نے بھی بھارت میں کرونا کی بگڑتی ہوئی صورت حال کے پیش نظر فضائی سفری پابندی عائد کرنے کا اعلان کیا۔ جبکہ ہانک کانگ کی جانب سے بھی پاکستان اور بھارت کیلئے دو ہفتوں تک   فضائی پابندی عائد کردی گئی ہے ۔

خیال رہے کہ بھارت میں کرونا وبا کی صورت نہایت سنگین ہو چکی ہے، گزشتہ روز بھی 3 لاکھ  سے زائد کرونا کیسز رپورٹ ہوئے ۔ بھارت اس وقت دنیا بھر میں کرونا کیسز کی تعداد کے لحاظ سے امریکا کے بعد دوسرے نمبر پر ہے۔

پاکستان میں نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید157افراد چل بسے ۔ ملک میں  اموات کی مجموعی تعداد 16 ہزار999ہوگئی ہے، جبکہ کورونا کیسز کی مثبت شرح 11.27 فیصد رہی ۔