عدالت نے عمر سرفراز چیمہ کی اہلیہ کو شناخت پریڈ کے لیے جیل بھیج دیا

جناح ہاؤس میں جلاؤ گھیراؤ اور توڑ پھوڑ کے مقدمے میں سابق گورنر پنجاب عمر سرفراز چیمہ کی اہلیہ رابعہ کو شناخت پریڈ کے لیے جیل بھیج دیا گیا ہے۔

انسداد دہشت گردی کی عدالت کے جج عبہر گل نے  کیس کی سماعت کی اور پولیس کو ہدایت کی کہ 4 روز میں شناخت کا عمل مکمل کیا جائے۔

واضح رہے کہ سابق گورنر پنجاب عمر سرفراز چیمہ کی اہلیہ رابعہ سلطان کو لاہور کے جناح ہاؤس میں جلاؤ گھیراؤ اور توڑ پھوڑ کے مقدمے میں گزشتہ روز گرفتار کیا گیا ہے۔انہیں اس وقت گرفتار کیا گیا جب وہ اپنے شوہر کی پیشی کے موقع پر ملاقات کے لیے لاہور کی انسدادِ دہشت گردی کی عدالت پہنچی تھیں