200 روپےکا ڈالر کرنے والا حواس باختہ ہوچکا ہے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نےوزیر خزانہ کو تنقید کا نشانہ بناتے ہوئے کہا ہے کہ 200 روپےکا ڈالر کرنے والا حواس باختہ ہوچکا ہے، کبھی آئی ایم ایف کو للکارتا ہے کبھی سفیروں کےپاؤں پڑتا ہے کبھی صحافیوں پرحملہ کرتا ہے۔

 اپنے ٹویٹ میں انہوں نے کہا کہ باشعور عوام وقت آنے پر ایسا شعوری فیصلہ دیں گےکہ کرپٹ مافیا کی آنکھیں کھلی رہ جائیں گی۔  اتفاق فائونڈری کا منشی رشتےدار تو بن سکتا ہے، اکانومی تباہ کرسکتا ہے لیکن اکانومسٹ نہیں بن سکتا۔

باشعور عوام وقت آنےپر ایساشعوری فیصلہ دیں گےکہ کرپٹ مافیا کی آنکھیں کھلی رہ جائیں گی200روپےکاڈالرکرنےوالا حواس باختہ ہوچکا ہےکبھیIMFکوللکارتا ہےکبھی سفیروں کےپاؤں پڑتا ہے کبھی صحافیوں پرحملہ کرتاہےاتفاق فاونڈری کامنشی رشتےدارتوبن سکتاہے اکانومی تباہ کرسکتاہےاکانومسٹ نہیں بن سکتا

— Sheikh Rashid Ahmed (@ShkhRasheed) June 23, 2023

شیخ رشید کا کہنا تھا کہ الیکشن ہوں گےیا نہیں، شفاف ہوں گےکہ نہیں، یہ عوام کے لیےسوالیہ نشان ہے لیکن پاکستان کی زندگی سیاسی استحکام میں پوشیدہ ہے۔ سیاسی استحکام صاف شفاف الیکشن سےہی مل سکتا ہے۔ نہ لوٹی ہوئی دولت نہ بیرون ملک جائیدادیں کام آئیں گی بلکہ عوام کی آہیں، صدائیں، آہ بقاء، سسکیاں اور بدعائیں حکومت کو لے ڈوبیں گی۔

سابق وفاقی وزیر نے کہ اکہ اصولوں اورعوام کی خدمت کے لیےجینے مرنے والوں میں اور اپنے خاندان کےلیےکام کرنے والوں میں فرق ہوتا ہے۔ بلاول اپنی باری کے خواب دیکھ رہا ہے، خواب دیکھنے پرکوئی پابندی نہیں لیکن یہ خواب شرمندہ تعبیر ہوں گے۔ پاکستان ان بحرانوں سےبھی نکلےگا، ان منی لانڈروں سےبھی چھٹکاراحاصل ہو گا۔خدا کےہاں دیرہےاندھیر نہیں۔

اصولوں اورعوام کی خدمت کے لیےجینے مرنےاور اپنے خاندان کےلیےکام کرنے والوں میں فرق ہوتا ہے بلاول اپنی باری کے خواب دیکھ رہا ہے خواب دیکھنے پرکوئی پابندی نہیں یہ خواب شرمندہ تعبیر ہوں گےپاکستان ان بحرانوں سےبھی نکلےگاان منی لانڈروں سےبھی چھٹکاراحاصل کرےگاخدا کےہاں دیرہےاندھیر نہیں

— Sheikh Rashid Ahmed (@ShkhRasheed) June 23, 2023

انہوں نے مزید کہا کہ آئی ایم ایف کےفیصلےکا کاؤنٹ ڈاون شروع ہوگیا ہے۔ 7دن میں پتا چل جائےگا، آر ہو گا یا پار ہوگا۔ حکمرانوں کا زور تقریروں اور تصویروں پر ہے۔ معشیت کا ٹائی ٹینک ڈوب رہا ہےاورمزید سیاسی عدم استحکام پیدا ہوسکتا ہے۔ حقیقی حکومت عوام کےدلوں میں کی جاتی ہے۔بیساکھیوں کےسہارےسیاست کرنےوالےبلاآخر سیاسی موت مرتے ہیں۔