فیلڈ مارشل ، نیول چیف اور ایئر چیف کا قائداعظم محمد علی جناح کے یومِ پیدائش پر خراجِ عقیدت

راولپنڈی:چیف آف ڈیفنس فورسز(سی ڈی ایف) فیلڈ مارشل سید عاصم منیر، نیول چیف اور ایئر چیف کی جانب سے قائداعظم محمد علی جناح کے یومِ پیدائش پر خراجِ عقیدت پیش کیا گیا ہے ۔

پاک فوج کے شعبہ تعلقات عامہ(آئی ایس پی آر) کے مطابق مسلح افواج نے اس عزم کا اعادہ کیا کہ وہ قائدِاعظمؒ کے اصولوں ایمان، اتحاد اور تنظیم کی روشنی میں پاکستان کی خودمختاری اور علاقائی سالمیت کے تحفظ، قومی استحکام، امن اور ترقی کے لیے اپنی ذمہ داریاں پوری کرتی رہیں گی۔

ترجمان آئی ایس پی آر کے مطابق مسلح افواج قائدِاعظم محمد علی جناحؒ کے ورثے کی حفاظت، قوم کی خدمت اور عزت، جرات اور وقار کے ساتھ فرائض کی انجام دہی کے لیے پرعزم ہیں۔

آئی ایس پی آر کے مطابق اس موقع پر مسلح افواج نے پاکستان کی مسیحی برادری کو کرسمس کی دلی مبارکباد بھی دی اور ملکی ترقی میں ان کی خدمات کو سراہتے ہوئے قائدِاعظمؒ کے مساوی حقوق، مذہبی آزادی اور ہم آہنگی کے وژن سے وابستگی کا اعادہ کیا۔