یو اے ای میں مقیم پاکستانی شہری نے منفرد انداز میں یوم آزادی منایا

متحدہ عرب امارات میں مقیم ایک پاکستانی شہری نے سمندر کے اندر سبز ہلالی پرچم لہرا کر ملک کا 76 ویں یوم آزادی منایا۔ کراچی سے تعلق رکھنے والے 43 سالہ خاور اقبال گزشتہ 24 سالوں سے دبئی میں بینک منیجر کے طور پر کام کر رہے ہیں۔

اپنے وطن کو خراج تحسین پیش کرتے ہوئے، انہوں نے سطح سمندر کے نیچے غوطہ لگایا اور  بحیرہ عرب کے پانیوں میں پاکستانی پرچم کامیابی سے لہرایا۔

خاور نے گذشتہ سال یوم آزادی کے لیے فلائی بورڈ پر پاکستانی پرچم بلند کیا تھا اور اس سال کچھ الگ کرنا چاہتے تھے۔

پرچم لہرانے کے لیے خاور اقبال سمندر کے نیچے 25 فٹ گہرائی تک گئے، جہاں انہوں نے پاکستان کا پرچم لہرایا۔ اقبال کو اس کی تیاری میں ایک ماہ سے زیادہ کا وقت لگا۔

انہوں نے کہا کہ میں نے پاکستان کو خراج تحسین پیش کرنے کے لیے سمندر کے نیچے اپنے ملک کا جھنڈا لہرانے کا فیصلہ کیا، اور ان تمام شہداء کو بھی سلام پیش کیا جنہوں نے ہمارے آزاد وطن کو محفوظ بنایا