بجلی کے بلوں میں نا قابل برداشت اضافہ، شہری سراپا احتجاج

کراچی: جہاں عوام دن بدن ہونے والی مہنگائی سے پریشان ہیں وہیں بجلی کی قیمتوں میں اضافے نے بھی عوام کی مشکلات میں اضافہ کردیا ہے، جس پر شہری احتجاج کر رہے ہیں اور واپڈا کے خلاف ریلیاں نکال رہے ہیں، بعض مقامات پر شہرریوں نے بجلی کے بل جلا دیے۔

دوسری جانب ملتان میں احتجاج کے باعث میپکو نے واپڈٓ دفاتراورتنصیابت کی کی سکیورٹی بڑھا دی۔ 

ملک بھر میں بجلی کے بلوں میں اضافے کی وجہ سے احتجاج جاری ہے، صارفین کا کہنا ہے کہ حکومت اور بجلی کے ادارے عوام پر رحم کریں۔

کراچی میں کے الیکٹرک کےخلاف جماعت اسلامی کا مظاہرہ کیا، راولپنڈٰی میں مظاہرین لیاقت آباد مری روڈ پر احتجاج کیا، فیصل آباد اور پشاور میں شہریوں نے بجلی کے بل ادا نہ کرنے کا اعلان کردیا۔

قصوراور ساہیوال میں مظاہرین نے احتجاج کیا، شہریوں کا کہنا ہے کہ ہم دووقت کی روٹی پوری کریں یا بجلی کے بل ادا کریں۔