کرپشن اور اختیارات کا ناجائز استعمال: ملائیشیا کے سابق وزیراعظم کو 15 سال قید کی سزا

کوالالمپور: ملائیشیا کے سابق وزیراعظم نجیب رزاق اختیارات کے ناجائز استعمال کا مجرم قرار دیدیا گیا، عدالت نے ساڑھے 4 ارب ڈالر کرپشن اسکینڈل کے کیس میں مختصر فیصلہ سنا دیا۔

غیر ملکی میڈیا رپورٹس کے مطابق ملائشیا کی ہائیکورٹ نے سابق وزیراعظم نجیب رزاق کو اختیارات کے ناجائز استعمال کا مجرم قرار دیتے ہوئے پندرہ برس قید کی سزا سنا دی۔

رپورٹس کے مطابق عدالتی فیصلے میں کہا گیا ہے کہ مجرم نے اپنی طاقتور حیثیت اور وسیع اختیارات کا ناجائز استعمال کیا۔

خیال رہے کہ ملائشیا کے سابقہ وزیراعظم پر کرپشن کے چار اور منی لانڈرنگ کے اکیس مقدمات درج ہیں اور وہ اگست 2022 سے جیل میں قید ہیں۔

یہ سزا ملائیشیا کی تاریخ میں کسی سابق وزیراعظم کے خلاف سنائی جانے والی سب سے سخت قانونی کارروائیوں میں شمار کی جا رہی ہے۔

میڈیا رپورٹس کے مطابق حالیہ عدالتی فیصلے کے بعد ان کے خلاف جاری قانونی کارروائیوں میں مزید پیچیدگیاں پیدا ہو سکتی ہیں۔