سندھ حکومت نے بینظیر بھٹو کی برسی پر عام تعطیل کا اعلان کر دیا،نوٹیفکیشن جاری

کراچی: سندھ حکومت نے سابق وزیر اعظم شہید محترمہ بینظیر بھٹو کی برسی پر کل عام تعطیل کا اعلان کیا ہے۔ 

اس حوالے سے کراچی سے جاری صوبائی حکومت کی جانب سے نوٹیفکیشن جاری کر دیا گیا ہے۔

چیف سیکریٹری سندھ کی جانب سے جاری کردہ نوٹیفکیشن کے مطابق اس روز تمام سرکاری و نیم سرکاری ادارے اور تعلیمی مراکز بند رہیں گے۔

خیال رہے کہ سابق وزیر اعظم بینظیر بھٹو کی برسی کی تقریبات گڑھی خدا بخش میں ان کے مزار پر ہو گی جس میں ملک بھر سے قافلے شریک ہوں گے، شہر کے تمام چوراہوں پر استقبالیہ کیمپ لگا دیئے گئے ہیں۔

واضح رہے کہ شہید محترمہ بے نظیر بھٹو کو 27 دسمبر 2007 کو راولپنڈی میں ہونے والے پیپلز پارٹی کے جلسہ کے بعد شہید کر دیا گیا تھا۔