ناجائز قبضوں سے لاہور میں 100 سے زائد لوگ ارب پتی بنے ہیں ، عارف حمید بھٹی

جی این این کے پروگرا م" خبر ہے " میں گفتگو کرتے ہوئے سینئر صحافی و تجزیہ کار عارف حمید بھٹی نے کہا کہ   قبضہ مافیا کی قمر توڑنے کیلئے پچھلے 6 مہینے سے بات چیت ہو رہی تھی۔جب آپ قبضہ مافیا ، منشیات فروش اور  جرائم پیشہ ہوں ، وہ چوری بھی کریں ، ڈاکہ بھی ماریں، لوگوں کا پیسہ بھی کھائیں  اور سرکاری زمین اونے پونے دام پر لیں۔عارف حمید بھٹی نے بتایا کہ مری میں ایک فائیو اسٹار ہوٹل ہے اس کی ایک لاکھ لیز ہے۔یہ تو بڑے لوگ ہیں ان کی کرپشن تو جائز ہے۔سینئر صحافی و تجزیہ کار عارف حمید بھٹی  کا پروگرام میں کہنا تھا کہ یہ جان بوجھ کر سینیٹ کے الیکشن کے قریب ایک حکمت عملی کے تحت کیا گیا۔مسلم لیگ ن 1985 سے گھوم گھوم کر پنجاب پر حکمرانی کر رہی ہے اور شاہد ہی کوئی بندہ ہو جو قبضوں کے کام سے دور رہا ہو۔

قبضہ مافیا کے حوالے سے سنیئے سینئر تجزیہ کار عارف حمید بھٹی کے تہلکہ خیز انکشافات۔۔@arifhameed15 @saeed_qazi @tahirmalikpak @PTIofficial @MediaCellPPP @pmln_org #khokharpalace #QabzaMafia #LandMafia pic.twitter.com/w7CmvZFN3z

— GNN (@gnnhdofficial) February 2, 2021

عارف حمید بھٹی کا کہنا تھا کہ  ناجائز قبضے میں منشیات سے ذیادہ پیسہ ہے، لاہور میں 100 سے زائد لوگ  میں جانتا ہوں جو ارب پتی بنے ہیں۔سینئر صحافی نے بتایا کہ کھوکھرصاحب نے کہا کہ میں بے گناہ ہوں ہوسکتا ہے کہ وہ بے گناہ ہوں لیکن  میں رائیونڈ ، جاتی امراء اور  بیدیاں روڈ  کا قبضے کا ریٹ ، ان کے فرنٹ مین اور ان کے پٹواری بتا سکتا ہوں۔ان سے پوچھا جائے کہ 30 سال پہلےان کے کتنے اثاثے تھے،ایک گاؤں میں ساڑھے سات مرلے کا گھر تھا اور دیوار بھی پکی نہیں تھی۔