سعودی فٹ بال کلب الہلال نے ایرانی کلب کو تین گولز سے شکست دے دی

سعودی عرب کے فٹ بال کلب الہلال  الہلال نے ایرانی کلب نساجی مازندران کو 3 گولز سے شکست دے دی۔

میچ کے دوران الہلال کے سٹار سٹرائیکر نیمار نے بھی کلب کی جانب سے اپنا پہلا گول سکور کیا۔

میچ کے دوران سعودی کلب کے سٹرائیکر الیگزینڈر میترووک نے صرف 18 ویں منٹ میں پہلا گول داغ کو الہلال کو برتری دلا دی۔ اس کے بعد 58 ویں منٹ میں نیمار نے کلب کا دوسرا گول کیا۔

? بثلاثية.. كبيـر القارة يكسب ناساجي ?

مبروووك ????#الهلال pic.twitter.com/RJNIdmqaAR

— نادي الهلال السعودي (@Alhilal_FC) October 3, 2023

الہلال کلب کے صالح الشہری نے میچ کے اختتامی مراحل میں تیسرا گول کیا جس کے بعد میچ تین صفر کے سکور پر اختتام پذیر ہو گیا۔

میچ کے دوران الہلال کے کپتان سلمان الفراج اور ایرانی کلب کے امیر محمد ہوش مند کو ریویو کے بعد ریڈ کارڈ دکھا کر کھیل سے باہر بیٹھا دیا گیا۔

الہلال کی فتح کے بعد اسے ایشین چیمپئن شپ کے گروپ ڈی میں چار پوائنٹس حاصل ہو گئے ہیں جبکہ ایرانی کلب کے پاس تین پوائنٹس ہیں۔