آئیسکو کا صرف بل ادا کرنے والے صارفین کو بجلی مہیاکرنے کا فیصلہ

اسلام آباد: اسلام آباد الیکٹرک سپلائی کمپنی (آئیسکو) نے صرف بل ادا کرنے والے شہریوں کو بجلی فراہم کرنے کا اعلان کیا ہے۔

آئیسکو ترجمان کے مطابق ادارہ ادائیگی نہ کرنے والے صارفین کے خلاف زیرو ٹالرنس کی پالیسی پر عمل پیرا ہے، یہی وجہ ہے کہ چلتے اور ڈیڈ ڈیفالٹرز کے خلاف کارروائی تیز کردی گئی ہے۔

ترجمان آئیسکو نے بتایا کہ کل (جمعرات) کو 222 بجلی نادہندگان سے 4.523 ملین روپے کی وصولی کی گئی۔ 15,083 نادہندگان سے 162.4 ملین روپے کے واجبات وصول کیے گئے جبکہ 6,958 ڈیڈ ڈیفالٹرز سے 173.5 ملین روپے سے زائد کی وصولی کی گئی۔ترجمان کے مطابق 21671 نادہندگان سے مجموعی طور پر 335.9 ملین روپے کے واجبات وصول کیے جا چکے ہیں۔