نیب لاہور کا شہباز شریف کا نام ای سی ایل میں ڈالنے کا خط

نیب لاہور کا شہباز شریف و دیگر شریک ملزمان کے نام ای سی ایل میں ڈالنے کا  خط سامنے  آگیا۔ 28اپریل 2021 کو نیب لاہورکی جانب  سےخط نیب ہیڈکوارٹرز کو ارسال کیا گیا۔ خط میں لاہور ہائیکورٹ  کا فیصلہ  سپریم کورٹ میں چیلنج کرنے کی درخواست  کی گئی۔

خط میں کہا گیا کہ  ملزم کیخلاف  ریفرنس 20 اگست 2020 کو احتساب عدالت لاہور کے روبرو دائر ہوا، ملزم کےخلاف منی لانڈرنگ ریفرنس پر عدالتی کارروائی جاری ہے، عدالت سے استدعا کی جائےکہ  زیر سماعت ٹرائل میں  شہبازشریف کی موجودگی  ضروری ہے،  ریفرنس کے مرکزی ملزم شہباز شریف و دیگر ملزمان کے نام ای سی ایل میں ڈالے جائیں۔جبکہ شہباز شریف کی  ضمانت کے حالیہ  فیصلہ کے بعد  اگلے ممکنہ لائحہ عمل پر مشاورت بھی جاری ہے۔