علی پور: مسلح ڈاکو دکان سے ایک لاکھ سے زائد رقم لوٹ کر پیدل فرار

عید قریب آتے ہی علی پور میں ڈکیت گینگ سرگرم ہوگئے،  مسلح ڈاکو امام بارگاہ حسینیہ جتوئ چوک کے قریب ایزی لوڈ کی دکان سے نقدی لوٹ کر فرار ہوگیا۔  مسلح ڈاکو دکان میں داخل ہوا اور ایک لاکھ سے زائد رقم لوٹ کر پیدل فرار ہوا۔ اطلاع ملنے پر پولیس تھانہ سٹی علی پور موقع پر پہنچ گئی ہے۔

پویس کے مطابق  ملزم کو گرفتار کرنے کے لئے ہر ممکن کوشش کی جائے گی۔ تفتیشی شاکر ایس آئی کا کہنا ہے کہ   ملزم کو گرفتار کر کے کیفرکردار تک پہنچایا جائے گا۔

شہریوں کا کہنا ہے کہ  اسی چوک پر ایک ہفتے میں ڈکیتی کی یہ دوسری واردات ہے۔شہریوں نے الزام عائد کیا ہے کہ  پولیس شہریوں کو تحفظ فراہم کرنے میں ناکام ہو چکی ہے۔

تاجروں نے مطالبہ کیا ہے کہ   ملزمان کو جلد گرفتار کر کے دکانداروں کو انصاف فراہم کیا جائے۔