30 سال سے زائد العمر افراد کی ویکسینیشن کیلئے رجسٹریشن 16 مئی سے شروع

تفصیلات کے مطابق وفاقی وزیر اسد عمر کا کہنا ہے کہ ملک میں کورونا ویکسی نیشن کا عمل تیز کردیا گیا ہے۔16 مئی سے 30 سال اوراس سے زائد عمرکے شہریوں کی رجسٹریشن شروع کی جائے گی۔

سماجی رابطے کی ویب سائٹ ٹویٹر پر اپنے پیغام میں اسدعمر نے لکھا کہ کورونا ویکسی نیشن کی استعدادکار کو بڑھا رہے ہیں۔ویکسی نیشن سینٹر ز ڈبل شفٹ میں کام کرتے ہیں گے صرف عید کے دو روز ویکسی نیشن سینٹرز بند ہوں گے۔واضح رہے کہ اسد عمر نے گذشتہ روز ٹویٹ میں اعلان کیا تھا کہ 40 سال سے زائد العمر جنہوں نے رجسٹریشن کروالی ہے وہ کسی بھی قریبی سینٹر جاکر ویکسین لگواسکتے ہیں۔