عابد باکسر کی سرکاری اسلحہ ضبطی کے کیس میں ضمانت منظور

لاہور: انسداد دہشت گردی کی عدالت (اے ٹی سی) نے جمعرات کو پولیس کی حراست سے فرار اور سرکاری اسلحہ ضبط کرنے کے مقدمے میں سابق پولیس انسپکٹر عابد باکسر کی درخواست ضمانت منظور کرلی۔

تفصیلات کے مطابق اے ٹی سی کے جج ارشد جاوید نے پولیس حراست سے فرار اور سرکاری اسلحہ چھیننے کے کیس میں عابد باکسر کی درخواست ضمانت پر سماعت کی۔

عدالت نے سابق پولیس انسپکٹر کی ضمانت ایک لاکھ روپے کے مچلکوں کے عوض منظور کرلی۔

واضح رہے کہ فیصل ٹاؤن پولیس نے عابد باکسر کے خلاف مقدمہ درج کیا تھا اور اسے گزشتہ ماہ قصور سے گرفتار کیا گیا تھا جس کے بعد 19 اکتوبر کو عدالت نے ان کا سات روزہ جسمانی ریمانڈ منظور کیا تھا۔