پنجاب میں تعلیمی ادارے 23مئی تک بند رہیں گے : مراد راس

تفصیلات کے مطابق کورونا کی تیسری لہر کے پیش نظر وفاقی وزارت تعلیم نے ملک بھر میں تعلیمی اداروں کی 23 مئی تک بندش کو یقینی بنانے کے لیے صوبوں کو مراسلہ بھجوادیا۔ وزیرتعلیم پنجاب مراد راس  نے سماجی رابطے کی ویب سائٹ ٹوئٹر پر پیغام میں بتایا کہ 18 مئی کو سکولز کھولنےکے حوالےسے جائزہ اجلاس ہوگا، عوام کوروناایس اوپیز پرہرصورت عمل کریں۔

ANNOUNCEMENT:
All Public and Private Schools of Punjab will remain closed till May 23, 2021 due to COVID 19 situation. A review meeting will be held on May 18th, 2021. Please make sure to follow SOPs issued by the Government.

— Murad Raas (@DrMuradPTI) May 14, 2021

خیال رہے کہ وائرس کے پیش نظر تمام سرکاری اور نجی سکولوں کو غیر معینہ مدت کے لیے بند کیاگیاتھا۔اس سے قبل  کورونا وائرس کے پیش نظر وزیر تعلیم شفقت محمود کی سربراہی میں ہنگامی بین الصوبائی وزراء تعلیم کا اجلاس میں سکولز عید تک بند رکھنے کے احکامات جاری کیے گئے تھے ۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید48افراد چل بسے ۔ ملک میں  اموات کی مجموعی تعداد 19 ہزار384ہوگئی ہے،جبکہ  متاثرہ افراد کی مجموعی تعداد 8 لاکھ 73ہزار 220ہو گئی ہے ۔ گزشتہ 24 گھنٹوں میں مثبت کیسز کی شرح 8.19 فیصد رہی۔