پنجاب میں لاک ڈؤان بڑھانے کی تجویز

ذرائع کے مطابق پنجاب حکومت کو محکمہ داخلہ کی جانب سے لاک ڈاؤن بڑھانے کی تجویز دے دی گئی ہے۔ تاہم لاک ڈاؤن بڑھانے کا فیصلہ این سی او سی کرے گی۔ ذرائع کے مطابق تجویز میں کہا گیا ہے کہ لاک ڈاؤن کا دورانیہ ایک ہفتہ مزید بڑھا دیا جائے۔ لاک ڈاؤن کا دورانیہ ایک ہفتہ مزید بڑھانے سے کورونا کے انسداد میں مدد ملے گی۔

ذرائع کا کہنا ہے کہ اگر 16مئی کے بعد لاک ڈاون مین اضافہ نا کیا گیا تو سمارٹ لاک ڈاؤن میں مزید سختی کی جائے گی۔مارکیٹوں کے اوقات کار میں بھی کوئی تبدیلی نہیں لائی جائے گی چھ بجے تمام مارکیٹس بند ہونگی اور شہریوں کی نقل و حرکت بھی محدود کی جائے گی۔

دوسری جانب 24 گھنٹوں کے دوران کورونا کے196 نئے مریض رپورٹ ہوچکے ہیں۔ شہر میں کورونا سے اموات کی مجموعی تعداد3 ہزار 822 ہو گئی۔ گزشتہ 24 گھنٹوں کے دوران 12ہزار  530 ٹیسٹ کئے گئے۔ سرکاری و نجی ہسپتالوں میں کورونا کے771 مریض زیرعلاج ہیں، کورونا کے579 مریض سرکاری جبکہ 192 نجی ہسپتالوں میں زیرعلاج ہیں۔ شہر کے ہسپتالوں میں زیرعلاج 206 مریضوں کی حالت تشویشناک بتائی جارہی ہے۔