دنیا
ایندھن کی قلت اور مواصلاتی بندش، غزہ کو امدادی رسد دوبارہ روک دی گئی
اقوامِ متحدہ کی امداد کی ترسیل دوبارہ معطل ہونے سے ہزاروں بھوکے اور بے گھر فلسطینیوں کے مصائب مزید بڑھ گئے ہیں
![ایندھن کی قلت اور مواصلاتی بندش، غزہ کو امدادی رسد دوبارہ روک دی گئی](/media/86414/conversions/4a5921c7-a78a-4849-8326-99e6db73e587_16x9_1200x676-1280x720.jpg)
جمعہ کو ایندھن کی قلت اور مواصلاتی بندش کی وجہ سے غزہ کو اقوامِ متحدہ کی امداد کی ترسیل دوبارہ معطل کر دی گئی جس سے ہزاروں بھوکے اور بے گھر فلسطینیوں کے مصائب مزید بڑھ گئے ہیں جبکہ اسرائیلی فوج کی انکلیو میں حماس کے عسکریت پسندوں سے لڑائی جاری ہے۔ اقوامِ متحدہ کے عالمی غذائی پروگرام (ڈبلیو ایف پی) نے کہا کہ خوراک کی فراہمی کی کمی کی وجہ سے عام شہریوں کو فوری طور پر فاقہ کشی کے امکان کا سامنا ہے۔
مریضوں اور بے گھر لوگوں کی وجہ سے پرہجوم اور کام جاری رکھنے کے لیے جدوجہد کرتا ہوا ہسپتال اس ہفتے عالمی تشویش کی ایک بڑی وجہ بنا ہوا ہے۔ اسرائیل نے کہا ہے کہ حماس نے اسلحہ اور گولہ بارود ذخیرہ کر رکھا ہے اور اس نے الشفاء جیسے ہسپتالوں کے نیچے سرنگوں کے نیٹ ورک میں یرغمالیوں کو رکھا ہوا ہے اور مریضوں اور وہاں موجود پناہ گزینوں کو انسانی ڈھال کے طور پر استعمال کر رہا ہے۔ حماس اس الزام کی تردید کرتی ہے۔
اقوامِ متحدہ نے کہا کہ ایندھن کی قلت اور مواصلاتی بندش کی وجہ سے جمعہ کو سرحد پار سے کوئی امدادی کارروائی نہیں ہوئی، امدادی سامان کی تقسیم کے لیے ایندھن کی کمی کی وجہ سے جمعرات کو مسلسل دوسرے دن کوئی امدادی ٹرک غزہ نہیں پہنچا۔ ڈبلیو ایف پی کی ایگزیکٹو ڈائریکٹر سنڈی میک کین نے کہا کہ تقریباً پوری آبادی کو خوراک کی امداد کی اشد ضرورت ہے۔
انہوں نے ایک بیان میں کہا، "غزہ میں خوراک اور پانی کی سپلائی عملاً نہ ہونے کے برابر ہے اور اشد ضروری امداد کا صرف ایک حصہ سرحدوں سے پہنچ رہا ہے۔ میک کین نے کہا کہ موسم سرما کے تیزی سے قریب آنے، غیر محفوظ اور پرہجوم پناہ گاہوں اور صاف پانی کی کمی کے باعث شہریوں کو فاقہ کشی کے فوری امکان کا سامنا ہے۔
جنگ اپنے ساتویں ہفتے میں داخل ہونے والی ہے اور بین الاقوامی سطح پر جنگ بندی یا کم از کم انسانی بنیادوں پر تؤقف کے مطالبات کے باوجود کسی بھی طرح اس کے تھمنے کے آثار نظر نہیں آتے۔ یہ تنازعہ 7 اکتوبر کو حماس کے عسکریت پسندوں کے سرحد پار چھاپے سے شروع ہوا تھا جس میں ریاست کی 75 سالہ تاریخ کے خطرناک ترین دن میں تقریباً 1,200 اسرائیلی ہلاک ہوئے جن میں زیادہ تر عام شہری تھے۔
فلسطینی وزارتِ صحت کے مطابق 11 ہزار سے زیادہ فلسطینی جن میں سے کم از کم 4,700 بچے ہیں، اب تک حماس کے زیرِ اقتدار غزہ پر اسرائیل کے جوابی فوجی حملے میں ہلاک ہو چکے ہیں - یہ تعداد حالیہ برسوں میں تنازعات کی گذشتہ جھڑپوں کے ہلاک شدگان سے کہیں زیادہ ہے۔
کھیل
پاکستانی ایتھلیٹ حیدر علی نے ڈسکس تھرو مقابلوں میں برانز میڈل جیت لیا
پیرا لمپکس میں 4 ہزار 400 ایتھلیٹس کھیلوں کے 23 مختلف مقابلوں میں شریک ہیں
![پاکستانی ایتھلیٹ حیدر علی نے ڈسکس تھرو مقابلوں میں برانز میڈل جیت لیا](/media/117444/conversions/علی-1280x720.jpg)
پیرس میں جاری پیرالمپکس میں شریک پاکستان کے واحد ایتھلیٹ حیدر علی نے ڈسکس تھرو مقابلوں میں برانز میڈل جیت لیا۔
تفصیلات کے مطابق حیدر علی نے 52.5.4 میٹر کی تھرو کی، حیدر علی کے مقابلے میں ازبکستان کے کھلائی یولدیشیو نے 57.28 میٹر کی تھرو کر کے گولڈ میڈل جیتا جب کہ اسی دوران کینیڈا کے کھلاڑی زیسیو نے 53.24 کی تھرو کے ساتھ سلور میڈل جیتا۔
واضح رہے کہ حیدر علی نے ٹوکیو اولمپکس کے ڈسکس تھرو مقابلے میں گولڈ میڈل جیتا تھا۔
پیرا لمپکس میں 4 ہزار 400 ایتھلیٹس کھیلوں کے 23 مختلف مقابلوں میں شریک ہیں۔
پاکستان
انٹرا پارٹی انتخابات کیس،پی ٹی آئی کی چاروں متفرق درخواستیں مسترد
الیکشن کمیشن نے چاروں درخواستیں مسترد کرتے ہوئے 10 صفحات پر مشتمل فیصلہ جاری کردیا
![انٹرا پارٹی انتخابات کیس،پی ٹی آئی کی چاروں متفرق درخواستیں مسترد](/media/117382/conversions/835682_59230467-1280x720.jpg)
الیکشن کمیشن آف پاکستان (ای سی پی) نے انٹرا پارٹی کیس میں پاکستان تحریک انصاف (پی ٹی آئی) کی چاروں متفرق درخواستیں مسترد کردیں۔
الیکشن کمیشن نے 10 صفحات پر مشتمل فیصلہ جاری کردیا، الیکشن کمیشن کا فیصلہ ممبر سندھ نثار درانی کی جانب سے تحریر کیا گیا ہے۔
اس کے علاوہ انٹرا پارٹی انتخابات میں الیکشن کمیشن کے دائرہ اختیار پر پی ٹی آئی کا اعتراض بھی مسترد کردیا اس کے علاوہ تحریک انصاف کے التواء کی درخواست بھی مسترد کردی گئی۔
علاوہ ازیں انٹرا پارٹی انتخابات کی کارروائی مخصوص نشستوں میں کمیشن کی درخواست پر فیصلے تک مؤخر کی استدعا بھی مسترد کردی گئی۔
الیکشن کمیشن نے پی ٹی آئی کو ایف آئی اے کی جانب سے پارٹی آفس سے لے جائے گئے دستاویزات کی واپسی کے لیے عدالت سے رجوع کرنے کی ہدایت بھی کردی۔
فیصلے میں کہا گیا ہے کہ الیکشن ایکٹ 2017 کی شق 208 کے مطابق انٹرا پارٹی انتخابات کے قانونی تقاضوں کا جائزہ لینا کمیشن کی ذمہ داری ہے، شق 209-3 کے تحت سرٹیفیکٹ کے اجرا کے حقائق دیکھنا بھی کمیشن کہ ذمہ داری ہے۔
یاد رہے کہ 27 اگست کو الیکشن کمیشن نے پی ٹی آئی کی انٹرا پارٹی انتخابات کیس میں سپریم کورٹ کی وضاحت آنے تک مقدمے کو زیر التوا رکھنے کی درخواست پر فیصلہ محفوظ کرلیا تھا۔ دوران سماعت تحریک انصاف نے انٹرا پارٹی الیکشن سے متعلق الیکشن کمیشن کے دائرہ اختیار کو چیلنج کر دیا تھا۔
وکیل عذیر بھنڈاری کا کہنا تھا کہ انٹرا پارٹی الیکشن کی جانچ پڑتال الیکشن کمیشن کے دائرہ اختیار میں نہیں آتا، الیکشن کمیشن صرف یہ دیکھ سکتا ہے کہ انٹرا پارٹی انتخابات ہوئے تھے یا نہیں، الیکشن کمیشن پہلے دائرہ اختیار کا فیصلہ کرے۔
جرم
کار ساز ٹریفک حادثہ، لواحقین کے اہل خانہ سے معاملات طے، ملزمہ نتاشہ کی ضمانت منظور
نتاشہ کے اہلخانہ نے آمنہ کے اہلخانہ کو ساڑھے 5 کروڑ روپے سے زائد دیت کے طور پر رقم ادا کر دی
![کار ساز ٹریفک حادثہ، لواحقین کے اہل خانہ سے معاملات طے، ملزمہ نتاشہ کی ضمانت منظور](/media/117375/conversions/835675_66172502-1280x720.jpg)
کارساز حادثہ،ایڈیشنل ڈسٹرکٹ اینڈ سیشن کراچی شرقی کی عدالت نے ملزمہ نتاشہ دانش کی درخواست ضمانت منظور کر لی۔
عدالت نے ملزمہ کی ایک لاکھ روپے کے مچلکوں کے عوض ضمانت منظور کی، اس سے قبل عدالت نے ملزمہ کی درخواست ضمانت پر آج ہی فیصلہ محفوظ کیا تھا۔
کارساز حادثے کی ملزمہ کی درخواست ضمانت پر وکیل نے دلائل مکمل کر لیے تھے۔ سماعت کے دوران ملزمہ کے وکیل نے عدالت میں مؤقف اختیار کیا کہ ملزمہ ذہنی مریضہ ہے، اگست 2005 سے اس کا علاج چل رہا ہے، ملزمہ کے پاس یو کے کا ڈرائیونگ لائسنس ہے جو پاکستان میں 6 ماہ تک کارآمد ہے، ہلاک ہونے والوں کے ورثاء نے اللہ کے نام پر معاف کر دیا ہے۔
مدعی مقدمہ کے وکیل نے سماعت کے دوران نو اوبجیکشن سرٹیفکیٹ عدالت میں جمع کروا دیئے، پہلے عدالت نے فیصلہ محفوظ کر لیا اور بعد میں فیصلہ سناتے ہوئے ملزمہ کی ضمانت منظور کر لی۔
میڈیا رپورٹس کے مطابق نتاشہ کے اہلخانہ نے آمنہ کے اہلخانہ کو ساڑھے 5 کروڑ روپے سے زائد دیت کے طور پر رقم ادا کر دی، رقم کی ادائیگی پے آرڈر کے ذریعے کی گئی جبکہ آمنہ کے کسی رشتے دار کو کمپنی میں ملازمت بھی دی جائے گی۔ واقعہ میں زخمی ہونے والے افراد کے ساتھ بھی ملزمہ کی صلح ہو گئی ہے اور زخمیوں کو الگ سے رقم ادا کر دی گئی۔ فریقین کے درمیان دیت کا معاہدہ شرعی قوانین کو مدنظر رکھتے ہوئے کیا گیا ہے، ج
حادثے میں جاں بحق ہونے والے باپ بیٹی کے ورثا کی جانب سے ملزمہ کی درخواست ضمانت پر نو ابجیکشن سرٹیفکیٹ جمع کرایا جائے گا، این او سی حادثے میں جاں بحق ہونے والے عمران عارف کی اہلیہ کی جانب سے جمع کرایا جائے گا۔ عمران عارف کے بیٹے اسامہ عارف اور بیٹی کی جانب سے بھی این او سی جمع کرائے جائیں گے۔
حلف نامے میں کہا گیا ہے کہ ہمارے درمیان معاملات طے پا گئے ہیں ہم نے ملزمہ کو معاف کر دیا ہے، ہم نے اللہ کے نام پر معاف کیا ہے جو بڑا مہربان اور نہایت رحم والا ہے۔
متاثرہ فیملی کے حلف نامے میں کہا گیاہے کہ ملزمہ کو ضمانت دینے پر ہمین کوئی اعتراض نہیں ہے، جو حادثہ ہوا تھا وہ جان بوجھ کر نہیں کیا گیا، ہم نے بغیر کسی دباؤ کہ یہ سرٹیفکیٹ دیا ہے، ہم نے حلف نامے میں جو کچھ کہا ہے بالکل درست کہا ہے۔
یاد رہے کہ 20 اگست کو کارساز روڈ کر تیز رفتار گاڑی کی ٹکر سے موٹر سائیکل سوار باپ بیٹی جاں بحق ہو گئے تھے، حادثے میں جاں بحق ہونے والی آمنہ عارف گھر میں سب سے چھوٹی اور لاڈلی تھی، والد نے اسے پاپڑ فروخت کر کے تعلیم کے زیور سے آراستہ کیا تھا۔
حادثے کے بعد پولیس نے خاتون ملزمہ کو حراست میں لے لیا تھا اور بعد ازاں خاتون ملزمہ کی میڈیکل رپورٹس میں آئس نشے کی موجودگی کی تصدیق ہوئی تھی۔
-
پاکستان 3 گھنٹے پہلے
حکومت کا عید میلادالنبی کے موقع پر 17 ستمبر ملک بھر میں عام تعطیل کا اعلان
-
تجارت 4 گھنٹے پہلے
سونے کی قیمت میں مسلسل دوسرے روز بھی بڑا اضافہ
-
تجارت ایک دن پہلے
اسٹاک ایکسچینج میں مندی کے ساتھ ڈالر کی قیمت میں کمی
-
تجارت 2 دن پہلے
ملک میں سونے کی قیمت میں حیرت انگیز کمی
-
تجارت 21 گھنٹے پہلے
عالمی منڈی میں پیٹرول کی قیمتوں میں مزید کمی
-
تجارت ایک دن پہلے
سونے کی قیمتوں میں 2 روز مسلسل کمی کے بعد اضافہ
-
پاکستان 9 گھنٹے پہلے
سپریم کورٹ نے نیب ترامیم بحال کر دیں
-
پاکستان ایک دن پہلے
پاکستان میں ربیع الاول کا چاند نظر نہیں