ایشیائی ترقیاتی بینک نے پاکستان کیلئے 25 کروڑ ڈالر قرض کی منظوری دیدی

ایشیائی ترقیاتی بینک نے پنجاب اور خیبرپختونخوا میں بجلی کی ترسیل کے نظام میں بہتری کیلئے25کروڑ ڈالرز قرضے کی منطوری دے دی ہے۔

ایک جاری کردہ بیان کے مطابق ان قرضوں سے دونوں صوبوں میں بجلی کے ترسیلی نظام کو وسعت دینے اور بہتربنانے میں مدد ملے گی۔

اس منصوبے سے قومی گرڈ کی صلاحیت بڑھا کر اس کو مستحکم بنانے میں مدد ملے گی۔

اس ضمن میں وسطی اور مغربی ایشیا کیلئے اے ڈی بی کے ڈائریکٹر جنرل نے کہا کہ یہ منصوبہ بجلی کی تقسیم و ترسیل کی قومی کمپنی کے لئے اے ڈی بی کی جاری مدد کا حصہ ہوگا۔