ہماراکوئی سیاسی مخالف نہیں ،ہمارا مخالف مہنگائی اور بے روز گاری ہے ،بلاول بھٹو

پشاور میں ورکرز کنونشن سے خطاب کرتے ہوئے بلاول بھٹو زرداری نے پی ٹی آئی اور ملسم لیگ (ن) کو تنقید کا نشانہ بنایا۔ انہوں نے کہا کہ یہ ووٹ کی عزت کرنا اور گورننس کرنا نہیں جانتے، یہ وہ ہیں جو مہنگائی لیگز بن چکے ہیں۔

بلاول بھٹو زرداری نے کہا کہ وہ شخص جو مسلط کیا گیا اس نے نوجوانوں کو بتایا لیڈر کی نشانی یوٹرن لینا ہے، عوام کو سمجھائیں کہ یوٹرن لینا لیڈر کی نہیں بلکہ بزدل کی نشانی ہے۔ انہوں نے کہا کہ اس وقت پیپلز پارٹی کا کوئی ایسا سیاسی مخالف نہیں جس کا نام لے سکوں، میرے مخالف یہ مہنگائی، بے روزگاری اور غربت ہے، ہمیں موقع ملے تو خدمت کریں اور عوام کو مہنگائی کے سونامی سے بچائیں۔پاکستان پیپلز پارٹی کے چیئرمین بلاول بھٹو نے کہا ہے کہ ان کی جماعت کو کبھی بھی لیول پلیئنگ فلیڈ نہیں ملی مگر پھر بھی وہ انتخابات جیتی۔

انہوں نے سنہ 1988 اور 2008 کے عام انتخـابات کا خاص طور پر حوالہ دیا ۔

یوٹرن لینا لیڈر کی نہیں بزدل کی نشانی ہے،ہمارا کوئی سیاسی مخالف نہیں ہے۔۔ووٹ کو عزت دینے والوں کے چہرے بے نقاب!بلاول بھٹو کا جذباتی بیان#GNN #GNN_updates #NewsUpdate #BilawalBhutto #PTI #PMLN pic.twitter.com/F87ph5MbcO

— GNN (@gnnhdofficial) November 18, 2023

یاد رہے سنہ 1988 میں بلاول بھٹو کی والدہ بے نظیر بھٹو 35 برس کی عمر میں پاکستان کی پہلی خاتون وزیراعظم منتخب ہوئی تھیں۔

بے نظیر بھٹو کے خلاف نواز شریف کی جماعت سمیت متعدد سیاسی جماعتوں پر مشتمل ایک انتخابی اتحاد ”آئی جے آئی“ تشکیل دیا گیا تھا۔

بلاول بھٹو نے کہا کہ وہ سنہ 2024 کے الیکشن میں کسی بھی آئی جے آئی کا حصہ نہیں بنیں گے اور وہ نفرت اور تقسیم کی سیاست کو دفن کرنا چاہتے ہیں۔