بلوچستان کے ضلع خضدار میں زلزلہ ،زلزلہ کی شدت 5.5ریکارڈ کی گئی

 بلوچستان کے ضلع خضدار کے علاقے دراکھالہ اور وڈھ میں زلزلے کے شدید جھٹکے محسوس کئے گئے ہیں۔

پی ایم ڈی کے مطابق زلزلے کا مرکز خضدار شہر سے 160کلومیٹر دور جنوب مغرب میں تھا۔ 

ریکٹر سکیل پر زلزلے کی شدت 5.5ریکارڈ کی گئی،زلزلے کے جھٹکے محسوس ہونے پر لوگوں میں خوف وہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے، انتظامیہ ذرائع کاکہنا ہے کہ تاحال کسی علاقے سے نقصان کی اطلاع موصول نہیں ہوئی ۔