پاکستان
فضل الرحمان کی نوازشریف سے ملاقات، موجودہ سیاسی صورتحال پر تبادلہ خیال
دونوں رہنماؤں نے پنجاب، سندھ، بلوچستان اور خیبرپختونخوا صوبوں میں الیکشن سے متعلق معاملات کی نگرانی کے لیے کمیٹیاں بنانے کے امکانات کا بھی جائزہ لیا
![فضل الرحمان کی نوازشریف سے ملاقات، موجودہ سیاسی صورتحال پر تبادلہ خیال](/media/88184/conversions/Fazl-meets-Nawaz-in-Lahore-1000x600-1280x720.jpg)
لاہور: جے یو آئی (ف) کے رہنما فضل الرحمان نے پیر کو مسلم لیگ (ن) کے سپریمو اور سابق وزیراعظم نواز شریف سے ملاقات کی اور مشترکہ سیاسی نقطہ نظر پر بات چیت کی۔
جے یو آئی (ف) کے سربراہ فضل الرحمان اور مسلم لیگ ن کے قائد نواز شریف کے درمیان ہائی پروفائل ملاقات پارٹی کے مرکزی سیکرٹریٹ ماڈل ٹاؤن میں ہوئی۔ون آن ون سیشن کے ایجنڈے میں آئندہ عام انتخابات میں اپنی اپنی جماعتوں کے درمیان سیٹ ایڈجسٹمنٹ کے ممکنہ فارمولے پر غور و خوض شامل ہے۔
ذرائع کا کہنا ہے کہ دونوں رہنماؤں نے پنجاب، سندھ، بلوچستان اور خیبرپختونخوا صوبوں میں الیکشن سے متعلق معاملات کی نگرانی کے لیے کمیٹیاں بنانے کے امکانات کا بھی جائزہ لیا۔
پاکستان
8 ستمبر کے جلسے کا مقصدمینڈیٹ کی واپسی اور ملک کو حقیقی آزادی دلانا ہے،عمران خان
9 مئی حکومت کی انشورنس پالیسی ہے، 9 مئی ختم ہوا تو ان کی حکومت اور سیاست دونوں ختم ہوجائی گی، بانی چیئرمین
![8 ستمبر کے جلسے کا مقصدمینڈیٹ کی واپسی اور ملک کو حقیقی آزادی دلانا ہے،عمران خان](/media/116904/conversions/imran-khan-slams-govt-for-ignoring-the-economy-1668696412-4699-1280x720.jpg)
بانی چیئرمین پی ٹی آئی و سابق وزیر اعظم عمران خان نے کہا کہ 8 ستمبر کے جلسے کا مقصدمینڈیٹ کی واپسی اور ملک کو حقیقی آزادی دلانا ہے، جب بھی مذاکرات کی بات ہوتی ہے تویہ 9 مئی کا شور مچاتے ہیں، 9 مئی حکومت کی انشورنس پالیسی ہے، 9 مئی ختم ہوا تو ان کی حکومت اور سیاست دونوں ختم ہوجائی گی۔
اڈیالہ جیل کے کمرہ عدالت میں صحافیوں سے غیر رسمی گفتگو کرتے ہوئے ان کا کہنا تھا 9 مئی کی تحقیقات کرنی ہے تو اس کے لیے جوڈیشل کمیشن بنایا جائے، مجھے اغوا کرنے کا جس نے حکم دیا اور جس نے سی سی ٹی وی فوٹیج غائب کی اور 9 مئی کی سازش بھی اسی نے کی ہے۔
اپنی بات جاری رکھتے ہوئے ان کا کہنا تھا کہ نواز شریف امپائرز کو ساتھ ملا کر کھیلا پھر بھی ہارگیا، دوسری پارٹی کو میچ کھیلنے ہی نہیں دیا گیا، پٹن کی رپورٹ ہے کہ یاسمین راشد سے جتوانے کے لیے نواز شریف کو 74 ہزار ووٹ ڈلوائے گئے۔
مذاکرات کے حوالے سے گفتگو کرتے ہوئے ان کا کہنا تھا کہ محمود خان اچکزئی کی حکومت سے بات چیت چل رہی ہے ، ہم بات چیت کے لیے ہمیشہ تیار ہیں، بات چیت کو کبھی نہ نہیں کی لیکن بات ان کے ساتھ ہوگی جو با اختیار ہیں، جو ان کو لے کر آئے ہیں، حکومت سے بات کرنا الیکشن میں ان کے ڈاکے کو تسلیم کرنا ہے۔
سابق وزیر اعظم نے کہا کہ ہمارے 8 ستمبر کے جلسے کے تین مقاصد ہیں، ایک مقصد چوری کیا ہوا مینڈیٹ پی ٹی آئی کو واپس کیا جائے، دوسرا مقصد قبضہ گروپ سے ملک کو حقیقی آزادی دلانا ہے اور تیسرا مقصد ملک میں آزاد عدلیہ ہے۔
انہوں نے بتایا کہ آکسفورڈ یونیورسٹی کا چانسلر بننا پاکستان کے لیے اعزاز ہوگا، اگر چانسلر نہ بن سکا تو بھی کوئی بات نہیں، پاکستان میں کرکٹ کی تاریخ میں اس مقام تک کوئی نہیں پہنچا جہاں میں پہنچا ہوں، پاکستان میں سب سے بڑا سماجی کارکن میں ہوں، ہم نے دو ہسپتال بنائے، دو یونیورسٹیاں بنائیں اور ایک یونیورسٹی بن رہی ہے۔
موسم
بلوچستان میں بارشوں نے تباہی مچا دی، ٹریفک معطل
سبی میں سیلاب کے پانی میں ایک گاڑی بہہ جانے سے دو افراد جاں بحق ہو گئے
![بلوچستان میں بارشوں نے تباہی مچا دی، ٹریفک معطل](/media/116858/conversions/Flood-in-Blochistan-1280x720.jpg)
کوئٹہ: بلوچستان کے مختلف شہروں میں گزشتہ چند روز سے جاری مون سون کی بارشوں نے تباہی مچا دی ہے۔ سیلابی ریلوں نے گھروں، فصلوں اور سڑکوں کو بہا لیا ہے جبکہ متعدد افراد بے گھر ہو گئے ہیں۔
جعفرآباد اور نصیرآباد کے متاثرہ علاقوں میں صورتحال انتہائی تشویشناک ہے۔ متاثرین کھلے آسمان تلے پناہ لینے پر مجبور ہیں اور انہیں خوراک اور پانی کی شدید قلت کا سامنا ہے۔ مقامی لوگوں کے مطابق متاثرہ علاقوں میں تین روز سے امدادی کاموں میں سست روی کی جا رہی ہے جس کی وجہ سے لوگوں میں مایوسی پھیل رہی ہے۔ طبی سہولیات کی عدم دستیابی بھی ایک بڑی مسئلہ ہے۔
جھل مگسی میں بھی سیلاب کی وجہ سے رابطہ سڑکیں ٹوٹ پھوٹ کا شکار ہو گئی ہیں۔ قلعہ عبداللہ کی ماچکہ ندی میں طغیانی سے باغات، فصلیں اور مکانات کو شدید نقصان پہنچا ہے۔ قلعہ سیف اللہ اور زیارت میں بھی کئی سڑکیں، پل اور گھر بہہ گئے ہیں۔
زیارت کوئٹہ شاہراہ پر سیلاب کی وجہ سے ٹریفک معطل ہو گئی ہے جس سے لوگوں کو شدید مشکلات کا سامنا ہے۔ دوسری جانب سبی میں سیلاب کے پانی میں ایک گاڑی بہہ جانے سے دو افراد جاں بحق ہو گئے۔
متاثرین نے حکومت سے فوری امدادی کاموں میں تیزی لانے اور متاثرہ علاقوں میں خوراک، پانی اور طبی سہولیات کی فراہمی کا مطالبہ کیا ہے۔
ٹیکنالوجی
ٹک ٹاک کا پاکستانی معیشت کو بہتر بنانے کے لیے کراچی میں ورکشاپ کا انعقاد
اس ورکشاپ کا مقصد پاکستان میں چھوٹے اور درمیانے درجے کے کاروباری اداروں کو بااختیار بنانا ہے
![ٹک ٹاک کا پاکستانی معیشت کو بہتر بنانے کے لیے کراچی میں ورکشاپ کا انعقاد](/media/116900/conversions/59a91337-b239-4e2b-903f-54c766b583b9_w408_r1_s-1280x720.jpg)
مقبول سوشل میڈیا پلیٹ فارم ٹک ٹاک بھی پاکستانی معیشت کو بہتر بنانے کے لیے سرگرم ہوگیا ہے۔
اس ورکشاپ کا مقصد پاکستان میں چھوٹے اور درمیانے درجے کے کاروباری اداروں کو بااختیار بنانا تھا۔
GrowWithTikTok# کے نام سے منعقدہ اس ورکشاپ میں ایسے افراد کے گروپ کو اکٹھا کیا گیا جو ٹک ٹاک کے ذریعے اپنا کاروبار بڑھانے کے خواہشمند تھے۔
اس ورکشاپ میں ان افراد کو ٹک ٹاک کے ایسے منفرد فیچرز سے فائدہ اٹھانے کی تربیت دی گئی جن کے ذریعے وہ نوجوان آبادی سے جڑ کر اپنی مصنوعات یا خدمات کی نمائش کرسکتے ہیں۔
شرکا کو طاقتور مواد تخلیق کرنے کے لیے پلیٹ فارم کے ٹولز، سامعین کومشغول رکھنے کے لیے بہترین طریقوں اور ٹک ٹاک کمپینز کو بہتر بنانے کے لیے مؤثر حکمت عملی سے متعارف کرایا گیا۔
ورکشاب کے دوران شرکا کو ٹک کی کمیونٹی گائیڈ لائنز، پلیٹ فارم پر دستیاب سیفٹی فیچرز اور مواد کو اعتدال میں رکھنے کے عمل کے بارے میں بھی بتایا گیا۔
-
دنیا 2 دن پہلے
ٹرمپ کی فیس بک کے بانی مارک زکر برگ کو جیل میں ڈالنے کی دھمکی
-
تجارت 2 دن پہلے
وزارت خزانہ کی جانب سے ماہانہ معاشی آؤٹ لک جاری
-
پاکستان 2 دن پہلے
مسلم لیگ ن کا ہنگامی اجلاس کل پارٹی کے مرکزی سیکریٹریٹ میں طلب
-
پاکستان ایک دن پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
تفریح ایک دن پہلے
معروف امریکی گلوکار لائیو پرفارمنس کے دوران دل کا دورہ پڑنے سے انتقال کر گئے
-
تجارت 2 دن پہلے
ملک بھر میں سونے کی قیمتوں میں اضافہ
-
تجارت ایک دن پہلے
پیٹرولیم مصنوعات کی قیمتوں میں کمی کا اعلان
-
جرم 5 گھنٹے پہلے
اڈیالہ جیل میں قیدیوں کے درمیان جھگڑا، کٹر کے وار سے ایک شخص زخمی