ہمیں انصاف ہوتا ہوا نظر نہیں آ رہا، ہمشیرہ عمران خان

بانی چیئرمین پی ٹی آئی عمران خان کی ہمشیرہ علیمہ خان نے کہا ہے کہ بہت تکلیف ہوتی ہے کہ یہ ہمارے ساتھ ہمارے ہی ملک میں کیا ہو رہا ہے،ہمیں گھر سے نکلنے کے بعد فالو کیا جاتا ہے، کہا جاتا ہے آپکو جیلوں میں ڈال دیں گے ہمیں کوئی خوف نہیں، بہت تکلیف ہوتی ہے کیا ہم دہشت گرد ہیں۔ ہمارے فون ٹیپ کئے جاتے ہیں۔

"ان کو غصہ اس بات کا کے کہ جو خفیہ خط ڈانلڈ لو نے جنرل باجوہ کے لیے بھیجا تھا وہ خان صاحب نے پڑھ لیا،
ہمیں سمجھ نہیں آتا کہ ہم اپنے ملک میں ہیں یا کسی پرائے ملک میں،
ہمارا پیچھا کیا جاتا ہے، ہمیں جیل میں ڈال دیں ہم نہیں ڈرتے" علیمہ خان #عوام_کی_طاقت_ووٹ
pic.twitter.com/tRV0KHk4S4

— PTI (@PTIofficial) December 13, 2023

اڈیالہ جیل کے باہر میڈیا سے گفتگو کرتے ہوئے کہا ہے کہ علیمہ خان نے کہا کہ کمرہ عدالت میں ڈبے بنا دیئے گئے، اندر خوف کس چیز کا ہے مجھے سمجھ نہیں آرہی،ساری فیملی اندر تھی اور باہر سے تالہ لگا دیا گیا تھا،جو کچھ ہو رہا ہے ہمیں انصاف ہوتا ہوا نظر نہیں آ رہا۔

انہوں نے کہا ڈونلڈ لو کا پیغام باجوہ کو بھجوایا گیا تھا،اس کیس میں خان صاحب کو سزائے موت ہو سکتی ہے،ایسا لگ رہا ہےکہ ہم اپنے ملک میں نہیں کسی اور ملک میں بیٹھے ہوئے ہیں۔میڈیا کو اندر نہیں جانے دیا جارہا اس کا بھی کوئی نہ کوئی مقصد ہی ہو گا،میڈیا کے بغیر فری ٹرائل نہیں ہو سکتا،سب پر پریشر ڈالا جارہا ہے۔