کراچی : آندھی اور ہلکی بارش سے شہر میں 4 افراد جاں بحق

تفصیلات کے مطابق  گلشن معمار میں تیز آندھی کے باعث درخت اکھڑ گئے۔ بلدیہ ڈبا کالونی میں چھت کا کچھ حصہ گرنے سے خاتون سمیت دو افراد ہلاک ہوئے ہیں ۔ شیر شاہ میں گھر کی دیوار گرنے سے ایک بچہ جاں بحق ہوا ہے۔ بلدیہ سعیدآباد میں دیوار گرنے کے باعث ایک شخص جاں بحق ہوا ہے۔

جی این این کے مطابق مختلف علاقوں میں حادثات میں 9 افراد زخمی بھی ہوئے ہیں ۔ شاہراہ فیصل پارسا ٹاور پر صفائی کے دوران ٹرالی گرنے سے ایک شخص زخمی ہوگیا ہے۔

محکمہ موسمیات کا کہنا تھا کہ کراچی میں تیز ہوا کے جھکڑ چل رہے ہیں یہ سائیکلون نہیں ہے، سمندری سائیکلون پاکستانی حدود سے گزر چکا ہے، کراچی میں گرد آلود ہوائیں کچھ دیر کے لیے ہیں۔