غزہ مسلسل اسرائیلی حملوں کے باعث بچوں کے لیے دنیا کا سب سے خطرناک مقام بن چکا ہے،اقوام متحدہ

اقوام متحدہ۔: اقوام متحدہ کے بچوں کے حوالے سے فنڈ (یونیسیف) نے کہا ہے کہ غزہ جو مسلسل اسرائیلی حملوں کی زد میں ہے بچوں کے لیے دنیا کا سب سے خطرناک مقام بن چکا ہے، جنگ بندی نہ ہونے کی صورت میں بیماریوں سے کم عمر بچوں کی اموات بمباری سے ہونے والی اموات سے کہیں زیادہ ہوں گی۔

یونیسیف کے ترجمان جیمز ایلڈر نے منگل کو جاری ایک بیان میں خبردار کیا کہ خوراک، پانی، پناہ گاہ اور صفائی ستھرائی کی کمی بچوں کی زندگیوں کو خطرے میں ڈال رہی ہے کیونکہ وہ کسی محفوظ جگہ کے بغیر مسلسل فضائی حملوں کا شکار ہیں۔

اقوام متحدہ کی سلامتی کونسل کے اجلاس سے قبل امداد کی رسائی کو آسان بنانے کے لیے لڑائی کے وقفے سے انھوں نے جنیوا میں صحافیوں کو بتایا کہ ہر بچہ ان 10 ہفتوں سےاس جہنم کو برداشت کر رہا ہے اور ان میں سے کوئی بھی بچ نہیں سکتا، جیسا کہ ایک شدید بیمار بچے کے والدین نے مجھے بتایا، ہماری صورتحال خالص دکھ اور دردہے،مجھے نہیں معلوم کہ ہم اس سے گزریں گے یا نہیں۔

غزہ کے محکمہ صحت کے حکام کے مطابق 7 اکتوبر سے اسرائیل اور حماس کے درمیان جنگ شروع ہونے کے بعد سے اب تک 19,400 فلسطینی مارے جا چکے اور 52,000 سے زیادہ زخمی ہوئے ہیں لیکن طبی سہولیات تک ان کی رسائی انتہائی محدود ہے۔

اقوام متحدہ کی صحت کے ادارے ڈبلیو ایچ او نے منگل کو کہا کہ غزہ کی پٹی کے 36 ہسپتالوں میں سے صرف 8 جزوی طور پر کام کر رہے ہیں۔ایلڈر نے کہا کہ ہسپتال بچوں اور ان کے والدین سے بھرے پڑے تھے اور سبھی جنگ کے ہولناکیاں برداشت کر رہے تھے، پٹیوں میں لپٹے ہوئےبہت سے کم عمر بچوں سے بھی سامنا ہوا،تقریباً 1,000 بچے اپنی ایک یا دونوں ٹانگیں کھو چکے ہیں۔ایلڈر نے کہا کہ گزشتہ 48 گھنٹوں کے دوران غزہ کے سب سے بڑے باقی رہ جانے والے خان یونس کے الناصر ہسپتال پر دو بار ہ گولہ باری کی گئی، جہاں بڑی تعداد میں زخمی بچوں اور دیگر دربدرافراد کو پناہ لئے ہوئے ہے۔