مافیا پہلے دن سے حکومت کے خلاف سازشوں کے جال بن رہا ہے، عثمان بزدار

تفصیلات کے مطابق  وزیراعلیٰ پنجاب سردار عثمان بزدارسے صوبائی وزراء، مشیران اور اراکین قومی و صوبائی اسمبلی کی ملاقات ہوئی ہے۔ وزیراعلیٰ عثمان بزدار نے منتخب نمائندوں کے حلقوں کے مسائل کے حل کیلئے موقع پرہی احکامات جاری کیے۔

وزیر اعلی پنجاب عثمان بزدار نے کہا کہ  ڈسٹرکٹ ڈویلپمنٹ پیکیج میں منتخب نمائندوں کی تجاویز کو اہمیت دی گئی ہے۔ ہر شہر کو ترقی کے سفر میں شامل کیا گیا ہے۔ پنجاب میں ہر فیصلہ مشاورت سے کیا جاتا ہے۔اراکین اسمبلی کی عزت پر حرف نہیں آنے دیں گے۔

عثمان بزدار کا کہنا ہے کہ  ہم سب وزیراعظم عمران خان کی ٹیم ہیں اور ٹیم ورک کے طور پر عوام کی خدمت کر تے رہیں گے۔ طاقتور مافیا پہلے دن سے تحریک انصاف کی حکومت کے خلاف سازشوں کے جال بن رہا ہے۔بدقسمتی سے مافیا کی جڑیں ہر شعبے میں پھیلی ہوئی ہیں۔