این سی او سی کا 24 مئی سے تعلیمی ادارے ، ریسٹورنٹس اور سیاحت کھولنےکا اعلان

وفاقی وزیر اسد عمر کی زیر صدارت این سی او سی کا جائزہ اجلاس ہوا ۔اس اجلاس میں  معاون خصوصی صحت، وزیر صحت سندھ اور تمام صوبوں کے چیف سیکریٹریز نے بذریعہ ویڈیو لنک اجلاس میں شرکت کی۔

این سی او سی اجلاس میں 24 مئی سے مختلف سیکٹرز کھولنے کا فیصلہ کرلیا گیا۔ این سی اوسی نے  ریسٹورنٹس  بھی کھولنے کا اعلان کردیا ہے۔ ریسٹورنٹ میں آؤٹ ڈور ڈائننگ رات 12 بجے تک کھولنے کی اجازت دی گئی ہے۔یکم جون سے شادی ہالز کو آؤٹ ڈور تقریبات کی اجازت ہوگی۔ شادی کی تقریب میں ڈیڑھ سو افراد حصہ لے سکیں گے۔

این سی او سی کے مطابق  7جون  سے تمام تعلیمی ادارے کھل جائیں گے، یکم جون سے کھولے جانے والے شعبوں کا حتمی جائزہ 27 مئی کو لیا جائے گا،5فیصد سے  کم کورونا کیسز والے اضلاع میں تعلیمی ادارے 24مئی سے کھولے جائیں گے۔

 این سی اوسی کے مطابق  مزار، سینما گھر، ریسٹورنٹس کے اندر بیٹھ کر کھانا کھانے پر پابندیاں  ہوگی، اسپورٹس، میلوں اور ثقافتی تقریبات پر بھی پابندیاں برقرار رکھی جائیں گی، ان ڈور اور آؤٹ ڈور موسیقی، ثقافتی اور مذہبی تقریبات پر مکمل پابندی رہے گی،ہفتہ اور اتوار کو صوبوں کے درمیان ٹرانسپورٹ کی پابندی بھی جاری رہے گی۔امیوزمنٹ پارکس اور انڈورجمنازیم بھی بند رہیں گے جبکہ  جاگنگ ٹریکس کو کھول دیا جائے گا۔