متھیرا نے فلسطینی بچہ گود لینے کی خواہش ظاہر کردی

مشہور فوٹو شیئرنگ ایپ انسٹا گرام پر متھیرا نے اسٹوری  شیئر کی جس میں انہوں نے اپنی اس خواہش کا اظہار کیا۔

اداکارہ  متھیرا نے  اسٹوری میں لکھا کہ " میری خواہش ہے کہ ہم فلسطین سے کسی بچے کو  گود لے سکیں  اور میں اس بچے کو محبت دے سکوں جس نے اپنا گھر کھویا ہو"۔

مشہور اداکارہ  و میزبان متھیرا نے اپنی اسٹوری میں مداحوں سے درخواست کی کہ  "اگر وہاں (فلسطین ) سے بچہ گود لینے کا کوئی طریقہ ہے تو مجھے آگاہ کریں"۔

صرف یہی نہیں بلکہ متھیرہ نے اپنی پروفائل پکچر  میں فلسطینی پرچم بھی انسٹاگرام پر پوسٹ کیا ہے ، جس پر ان کے مداحوں نے ان کی تعریف کی ہے۔

خیال رہے کہ متھرا کا اپنا ایک حقیقی بیٹا بھی ہے۔ متھیرا  کی شادی 2013 میں پنجابی گلوکار فلنٹ جے سے ہوئی تھی ، لیکن ان کی 2018 میں طلاق ہوگئی تھی۔

اس سے قبل  اداکارہ رابعہ بٹ نے فیصل ایدھی کے ساتھ فلسطین جانے اور مظلوموں کی مدد کرنے کی خواہش کا اظہار کیا تھا۔