پنجاب یونیورسٹی نے امتحانات کا شیڈول جاری کردیا

تفصیلات کے مطابق  پنجاب یونیورسٹی انتظامیہ نے طلباء و طالبات کی آن لائن کلاسز اور امتحانات کا شیڈول جاری کر دیا ہے۔اس حوالے سے نوٹیفکیشن بھی جاری کردیا گیا ہے۔

نوٹیفکیشن  کے مطابق  چوتھے، چھٹے اور آٹھویں سمسٹر کی آن لائن کلاسزوامتحانات 24 مئی سے ہوں گے۔ بی ایس سیکنڈ سمسٹر، ماسٹرز، ایم فل، پی ایچ ڈی کی کلاسز پہلے سمسٹر کے امتحان کے بعد ہوں گی۔انٹرنیٹ مسائل کا سامنا کرنے والے دور دراز علاقوں کے طلباء کے لئے 24 مئی سے ہاسٹل کھول دیا جائے گا۔

دوسری جانب  وفاقی وزارت تعلیم نے پروفیشنل ودیگر ایگزمزباڈیزکو امتحانات لینے کی اجازت دیدی  ہے، کورونا ایس او پیزاوراین سی او سی گائیڈلائنزکی روشنی میں وزارت تعلیم سے منظوری لینی لازمی قرار دیا گیاہے۔

پروفیشنل ودیگرایگزمز باڈیزکوامتحانات کیلئے وزارت تعلیم سے رابطہ کرنے کی ہدایت کر دی گئی ہے۔متعلقہ اداروں کوامتحانات سے متعلق تمام تفصیلات وزارت تعلیم سے شیئر کرنی ہونگی،۔وزارت تعلیم 24 گھنٹوں کےاندرایس او پی کے مطابق  این اوسی جاری کریگا۔