پشاورہائیکورٹ کے جج صاحبان نے انصاف کی روایات کو برقرار رکھا ، پی ٹی آئی سینیٹر ظفر علی

پاکستان تحریک انصاف کے چیئرمین بیرسٹرگوہر نے پشاور ہائیکورٹ کی جانب سے الیکشن کمیشن کے پی ٹی آئی انٹرا پارٹی انتخابات سے متعلق فیصلہ معطل کرنے پر تبصرہ کرتے ہوئے کہا کہ عدالت نے بلے کا نشان بحال کردیا ہے، آج عدلیہ نے پاکستان کے 25 کروڑ عوام کا اعتماد بحال کردیا۔

اس موقع پر وکیل رہنما علی ظفر نے کہا کہ پشاورہائیکورٹ کے جج صاحبان نے ہمیشہ انصاف کا سر اونچا کیا ہے، عدالت نے الیکشن کمیشن کے فیصلے کو معطل کردیا ہے، غیرقانونی،غیرآئینی آرڈر کے ذریعے بلے کا نشان چھین لیا گیا تھا۔آرٹیکل 17 میں کہا گیا ہے کہ انتخابی نشان پارٹی کا بنیادی حق ہوتا ہے، پشاورہائیکورٹ نے بول دیا بلے کا نشان پی ٹی آئی کا حق ہے۔

پشاور ہائیکورٹ سے الیکشن کمیشن کے تحریک انصاف سے بلے کا نشان چھیننے کے فیصلے کی معطلی کے بعد چیئرمین پی ٹی آئی گوہر خان کی میڈیا سے گفتگو #فروری8_بلے_پہ_ٹھپہ #بلا_تو_ہوگا pic.twitter.com/Z7XK3uDLYp

— PTI (@PTIofficial) December 26, 2023

پشاور میں وکیل علی ظفر کے ہمراہ پریس کانفرنس میں بیرسٹر گوہر نے کہا کہ ہمیں دیوار سے لگایا جا رہا ہے، ہمیں عدلیہ پر اعتماد ہے، عدالت نے ہر شق دیکھی، الیکشن کمیشن کا آرڈرمعطل کیا، پشاورہائیکورٹ نے سازش پر آخری کیل ٹھوک دی۔

خیال رہے کہ پشاور ہائی کورٹ نے تحریک انصاف (پی ٹی آئی) کے انٹر اپارٹی انتخابات اور بلے کا انتخابی نشان واپس لینے کا الیکشن کمیشن کا فیصلہ معطل کردیا ہے۔ جس کے بعد پی ٹی آئی کو بلے کا نشان واپس مل گیا ہے۔