پی آئی کی نجکاری کا عمل شفاف طریقے سے کیا جا رہا ہے ، مشیر وزیر اعظم

نگران وزیراعظم انوارلحق کاکڑ  کے مشیر ہوا بازی ریٹائرڈ ائر مارشل فرحت حسین خان نے کہا ہے کہ خسارے میں جانے والے اداروں کی نجکاری کیلئے حکومت کی پالیسی کے تحت پی آئی اے کی نجکاری کی جارہی ہے۔

انہوں نے آج (منگل) سینٹ میں وقفہ سوالات کے دوران ایک سوال کے جواب میں کہا کہ قومی فضائی کمپنی کی نجکاری کا عمل نیلام عام کے ذریعے شفاف طریقے سے کیا جارہا ہے۔

مشیر نے کہا کہ ابتدائی طورپر پی آئی اے کی پروازوں کی نجکاری کی جائے گی اور بعد میں اس کے دوسرے اثاثوں کا فیصلہ نجکاری کمیشن کرے گا۔ انہوں نے کہا ملک کے بعض ائر پورٹس کو نجی شعبے کے ذریعے چلانے کا مقصد انتظامی امور میں بہتری لانا ہے۔بعد میں سینٹ کاا جلاس کورم کی کمی کی وجہ سے جمعے کی صبح ساڑھے دس بجے تک ملتوی کردیا گیا۔

انہوں نے کہا کہ مالی بحران کے باعث پی آئی اے مسائل کا شکار ہے جس کی وجہ سے مسافروں کو پریشانی کا سامنا کرنا پڑ رہا ہے ۔ 

انہوں نے کہا کہ پی آئی اے کی نجکاری کے علاوہ اور کوئی حل نہیں ہے ، انہوں نےمزید کہا کہ نجکاری سے پی آئی اے کے مسائل میں کمی آئے گی ۔