حکومت صحافیوں کی جبری برطرفی کیخلاف اقدامات کر رہی ہے ، وزیر اطلاعات

اطلاعات و نشریات کے نگران وزیر مرتضی سولنگی نے کہا ہے کہ حکومت صحافیوں اور میڈیا کارکنوں کی جبری برطرفی کیخلاف قانون کے تحت تمام ممکنہ اقدامات کرے گی۔

آج (منگل) اسلام آباد میں پارلیمنٹ ہاوس کے باہر صحافیوں سے گفتگو کرتے ہوئے انہوں نے کہا صحافیوں کی جبری برطرفی کا مسئلہ قابل قبول نہیں ہے۔ وفاقی وزیر نے کہا انہوں نے چیئرمین پیمرا سے اس بارے میں بات کی ہے اور جمعے کوہونیوالے سینٹ قائمہ کمیٹی برائے اطلاعات و نشریات میں بھی اس معاملے کو اٹھایا جائے گا۔

انہوں نے بلوچ مظاہرین کے بارے میں بھی کہا کہ بلوچ مظاہرین کے ساتھ مذاکرات جاری ہیں ، کہا کہ بلوچ ظاہرین کو کسی جگہ پر روک کر تنگ نہیں کیا گیا ۔ 

انہوں نے کہا کہ احتجاج کرنا بلوچ مظاہرین کا حق ہے ان کے مسائل کو اچھی طرح سمجھتے ہیں ۔