بلوچستان میں خوفناک ٹریفک حادثہ ،4افراد جاں بحق

بلوچستان میں آج علی الصباح خوفناک ٹریفک حادثہ ہوا ہے جس نے چار قیمتی انسانوں جانوں کو نگل لیا ہے۔

میڈیا ذرائع  کے مطابق یہ افسوسناک واقعہ ضلع خضدار کے کرخ ایریا میں پیش آیا جہاں دو گاڑیاں آپس میں ٹکرا گئیں۔ یہ تصادم اتنا شدید تھا کہ اس کے نتیجے میں دونوں گاڑیوں میں آگ بھڑک اٹھی اور اس میں سوار چار افراد جھلس کر جاں بحق ہو گئے۔

حادثے کی اطلاع ملتے ہی ریسکیو ادارے اور پولیس جائے حادثہ پر پہنچ گئی اور لاشوں کو ٹیچنگ اسپتال خضدار منتقل کیا۔

ریسکیو ذرائع کا کہنا ہے کہ جاں بحق 2 افراد کا تعلق باغبانہ، ایک کا کوشک خضدار اور ایک کا پنجگور سے بتایا جاتا ہے۔