حکومت کا آئندہ ماہ ملک گیر انسداد پولیو مہم چلانے کا فیصلہ

اسلام آباد: حکومتی ہدایات کے مطابق سال 2024 کے انسداد پولیو کی قومی مہم کا پہلا ملک گیر مرحلہ 8 جنوری شروع ہو گیا ہے جو 14 جنوری تک جاری رہے گا۔

انسداد پولیو پروگرام کی طرف جاری بیان کے مطابق قومی انسداد پولیو مہم کا پہلا ملک گیر مرحلہ 8 جنوری بروز پیر سے شروع ہو گیا ہے جو 14 جنوری تک جاری رہے گا ۔ انسداد پولیو مہم کے دوسرے مرحلے کا آغاز شمالی وزیرستان، کے علاقے بنوں سے 15 جنوری سے ہوگا جو 19 جنوری تک جاری رہے گا۔

انسداد پولیو مہم کا آخری مرحلہ 22 تا 26 جنوری جنوبی خیبر پختونخوا میں چلے گا۔اس مہم میں ساڑھے چار کروڑ سے زائد بچوں کو پولیو ویکسین پلائی جائے گی جبکہ قومی انسداد پولیو مہم میں 3 لاکھ سے زائد فرنٹ لائن ورکرز تعینات ہوں گے۔