پنجاب بھر میں ڈینگی کیسز میں اضافہ جاری، گزشتہ 24 گھنٹو ں میں 85 کیسز رپورٹ

لاہور سمیت پنجاب بھر میں ڈینگی کیسز میں اضافہ جاری،گزشتہ چوبیس گھنٹوں میں صوبہ میں ڈینگی کے 85 کیسز رپورٹ ہوئے۔

محکمہ صحت کے مطابق ایک ہفتہ میں 567 جبکہ رواں سال اب تک 6 ہزار 986  ڈینگی کے کیسز رپورٹ ہوئے ،گزشتہ چوبیس گھنٹوں میں راولپنڈی سے 64 جبکہ فیصل آباد سے4 ڈینگی کے کیس رپورٹ ہوئے ، سیالکوٹ اور وہاڑی سے3،3جبکہ چکوال سے 2کیس رپورٹ ہوئے۔

ساہیوال، جہلم، قصور، لودھراں، خوشاب اور جھنگ سے ایک ایک ڈینگی کے کیس رپورٹ ہوئے، محکمہ صحت کے ترجمان کے مطابق انسداد ڈینگی کے لئے تمام انتظامات مکمل کر رکھے ہیں، تمام سرکاری ہسپتالوں میں ڈینگی سمیت دیگر ادویات کا سٹاک موجود ہے۔