راجہ بشارت کا پارٹی ٹکٹ چھیننے کے بعد نامعلوم شخص فرار

راولپنڈی: نامعلوم شخص نے سابق صوبائی وزیر راجہ بشارت کا پارٹی ٹکٹ چھین  لیا ٹکٹ چھیننے کے بعد نامعلوم شخص فرار ہوگیا۔

راولپنڈی میں این اے 55 کے آر او احد ڈوگر کے اسٹاف سے فائل چھین کر مشکوک شخص فرار ہوا۔

بشارت راجہ کا #NA55 کا پارٹی ٹکٹ RO آفس راولپنڈی سے نامعلوم افراد چھین کر فرار ہو گئے۔ pic.twitter.com/FBtlbmmXhW

— Laiba Umer Dar (@LaibaUmarDar) January 13, 2024

وکیل احمد راجہ ایڈووکیٹ نے بتایا کہ ہم نے مکمل فائل آر او احد ڈوگر کے اسٹاف ممبر وحید کو جمع کروائی ۔ آر او این اے 55 احد ڈوگر کے آفس میں وحید نامی اسٹاف ممبر موجود تھا ۔
انہوں نے کہا کہ پولیس کی موجودگی میں نامعلوم شخص پارٹی ٹکٹ لے کر فرار ہوا ۔۔ مبینہ مشکوک شخص کو روک لیا گیا تھا مگر کچھ دیگر نامعلوم افراد اسکو چھڑا لے گئے ۔ مشکوک شخص کی ویڈیو بنانے والے شخص سے موبائل فون بھی چھین لیا گیا۔