کولمبیا : لینڈ سلائیڈنگ سے 18 افراد ہلاک،ایمر جنسی نافذ

کولمبیا میں ایک سڑک پر مٹی کے تودے گرنے سے 18 افراد ہلاک اور 35زخمی ہوگئے ہیں ۔

چینی خبر رساں ادارے کے مطابق کولمبیا کے نائب صدر فرانسیا مارکیز نے ایک بیان میں بتایا کہ چوکو ڈیپارٹمنٹ کے دارالحکومت کوئبڈو اور محکمہ اینٹیکویا کے دارالحکومت میڈیلن کے درمیان ایک سڑک پر مٹی کے تودے گرنے سے 18 افراد ہلاک35زخمی ہو گئے ہیں ۔

انہوں نے بتایا کہ نیشنل ڈیزاسٹر رسک مینجمنٹ یونٹ کے اہلکاروں نے جاں بحق اور زخمی ہونے والوں کو مختلف ہسپتالوں میں منتقل کر دیا ہے جہاں بعض زخمیوں کی حالت تشویشناک ہے جس سے ہلاکتوں کی تعداد میں اضافہ ہو سکتا ہے۔

سرکاری حکام کا کہنا ہےکہ لینڈ سلائیڈنگ کی اطلاع ملتے ہی ریسکیو ٹیمیں اور ایمبولینسز نے جائے وقوعہ پر پہنچ کر لوگوں کو ریسکیو کرنے کے عمل میں حصہ لیا جب کہ اسپتالوں میں بھی ایمرجنسی نافذ کردی گئی۔