پی آئی اے کی نجکاری کیلئے تمام قانونی تقاضے پورے کرلئے گئے ہیں:فواد

نجکاری کے نگران وزیر فواد حسن فواد نے کہا ہے کہ پی آئی اے کی نجکاری کیلئے تمام قانونی تقاضے پورے کرلئے گئے ہیں۔ایک نجی نیوز چینل سے گفتگو کرتے ہوئے انہوں نے PIA کی نجکاری کیلئے مختلف اقدامات کی تفصیل بیان کی اور کہا کہ نجکاری کمیشن نہایت جانفشانی سے یہ کام کررہا ہے۔

فواد حسن فوادنے کہا کہ پی آئی اے کی نجکاری کے عمل میں شفافیت یقینی بنانے کیلئے ادارہ، شہری ہوابازی کے نمائندوں کے ساتھ ساتھ وزارت تعلیم، وزارت قانون اور وزارت خزانہ سے بھی مدد لی جارہی ہے۔

انہوں نے کہا کہ نگران حکومت ان آئینی ترامیم کے تحت نجکاری کا عمل کررہی ہے جن کی سابقہ منتخب حکومت نے منظوری دی تھی۔