آپ کا انتخابی نشان بلا نہیں تھا بلکہ وہ ڈنڈا تھا جو آپ نے اپنے ہاتھ میں پکڑا تھا، مریم نواز

اوکاڑہ: لیگی چیف آرگنائزر مریم نواز کا کہنا تھا کہ لاہور سے نکلتے ہوئے سوچ رہی تھی سردی اور دھند ہے، گھروں سے نکل کر کون آئے گا لیکن یہاں تو عوام کا جم غفیر ہے۔

مسلم لیگ ن کی چیف آرگنائزر مریم نواز نے کہا ہے کہ نوازشریف اور عوام پر ظلم کرنے والا ایک ایک ظالم اپنے عبرتناک انجام کو پہنچ رہا ہے۔

اوکاڑہ جلسے سے خطاب کرتے ہوئے مریم نواز کا کہنا تھا کہ آج کل انتخابی نشان کی واپسی کا شور مچا رہے ہیں، آپ سے کسی نے کوئی نشان واپس نہیں لیا۔

آپ کا انتخابی نشان بلا نہیں تھا بلکہ وہ ڈنڈا تھا جو آپ نے اپنے ہاتھ میں پکڑا تھا، وہ ڈنڈا جس سے آپ نے لوگوں کی روٹیاں توڑیں، وہ ڈنڈا اب آپکے ہاتھ سے چھین لیا گیا ہے، اس ڈنڈے سے آپ نے فوجی تنصیبات پر حملے کئے تھے۔