مسلم لیگ ن پنجاب کی نائب صدر سمیرا ملک کا پارٹی چھوڑنے کا اعلان

سابق وفاقی وزیر سمیرا ملک نے پاکستان مسلم لیگ نواز سے باضابطہ طور پر تعلقات منقطع کر لیے، جو کہ آنے والے عام انتخابات کے پیش نظر ایک اہم پیش رفت ہے۔ وہ باضابطہ طور پر مسلم لیگ ن پنجاب کی نائب صدر کے عہدے سے سبکدوش ہو گئیں۔

سمیراملک نے استعفیٰ ن لیگ پنجاب کے صدر رانا ثنااللہ کو بھجوادیا، استعفے میں پارٹی چھوڑنے کی وجہ نہیں بتائی گئی۔ سمیرا ملک نے این اے 87سے پارٹی ٹکٹ نہ ملنے پرآزاد حیثیت میں الیکشن لڑنے کااعلان کیا تھا۔

قبل ازیں پاکستان مسلم لیگ ن میں ٹکٹوں کی تقسیم پر اختلافات کی وجہ سے راجہ عتیق سرور نے  بھی مسلم لیگ (ن) پنجاب کے نائب صدر کے عہدے سے استعفیٰ دے دیا تھا۔