عارف علوی نے پی ٹی آئی کو دھوکہ دیا، شیر افضل مروت

سینئر نائب صدر پی ٹی آئی شیر افضل مروت نے کہا ہے کہ صدرعارف علوی نے پی ٹی آئی کو دھوکہ دیا،ان کا پارٹی سے پتہ صاف ہو گیا ہے۔ عارف علوی رانگ نمبر نکلے ہیں،عارف علوی کے بیٹے نے ٹکٹ کےلیے اپلائی کیا تو میں نے مخالفت کی۔

صدر عارف علوی کا پتہ صاف۔ بقول شیر افضل مروت عمران خان کیا کہتے ہیں pic.twitter.com/5msQuCmDsY

— Tariq Mateen (@tariqmateen) January 15, 2024

شیر افضل مروت نے الزام لگایا کہ عارف علوی بہانے سے سعودی عرب گئےاور ہمارے ساتھ دھوکا کیا،عارف علوی نے چیئرمین سینیٹ اور پی ڈی ایم کوقانون سازی کا موقع دیا۔ نوازشریف تاحیات نااہلی والا قانون اس وقت بنایا گیا جب عارف علوی حج پر گئے،صدرعارف علوی کی غیرموجودگی میں کئی متنازع قوانین بنے۔

آرمی ایکٹ اور سائفر ایکٹ میں ترمیم عارف علوی کی غیرموجودگی میں ہوئی،عارف علوی کو اختیار تھا کہ وہ الیکشن کی تاریخ کا تعین کریں،صدر عارف علوی نے الیکشن کمیشن کو خط لکھ دیا۔ حد ہوتی ہے، پارٹی کے ساتھ کیا ہورہا ہے،ہم پر کیا گزررہی ہے اور عارف علوی کس کو خوش کررہے ہیں؟

شیر افضل مروت کے کہنا تھا کہ بانی چیئرمین پی ٹی آئی عمران خان سمجھتے ہیں کہ عارف علوی نے ہمارے ساتھ زیادتی کی ہے۔